Tau Fakailoaaga

◼ Tohi foaki ma e tau mahina ha Iulai mo Aokuso: Ha porosua ne 32 e lau kua latatonu ke fakaaoga. Sepetema: Ko e Mena Galo he Fiafia he Magafaoa. Oketopa: Tau mekasini Ko e Kolo Toko mo e Awake! Ka fakakite e fiafia, foaki e porosua Manako, taute e laliaga pauaki ke kamata e tau fakaakoaga Tohi Tapu.

◼ Kamata ia Sepetema, ko e tau leveki takaiaga to taute e lauga ma e toloaga ne mataulu “Haga Atu ke he Vaha i Mua mo e Tua mo e Malolo.”

◼ Fonoaga he Fahimotu ki Rarotonga. To nakai fai fenoga ka fakatokatoka pauaki he la ke o atu ke he fonoaga. Pete ia, kua fakaata e tau tagata fakailoa ke taute ni e lautolu ha lautolu a tau fakatokatokaaga ka manako a lautolu ke o atu ke he fonoaga ki Rarotonga ia Novema 19-21, 2004.

◼ Kua lata e tohikupu he tau fakapotopotoaga ke loga tumau e tau laupepa Application for Regular Pioneer Service (S-205) mo e Application for Auxiliary Pioneer Service (S-205b). Maeke e tau mena nei ke ota he fakaaoga e Literature Request Form (S-14). Lali ke loga tumau e tau laupepa nei ke katoa e tau.

◼ Ato tuku atu e tau tohi ole ma e gahua paionia mau ke he la ofisa, kua lata e tohikupu he fakapotopotoaga ke liu kitekite e tau laupepa ke kitia kua oti moli he fakapuke. Kaeke nakai maeke e tau tagata ne tohi ole ke manatu e aho tonu ne papatiso a lautolu, kua lata ia lautolu ke fuafua e aho mo e fakamau hifo ai. Kua lata e tohikupu ke tohi e aho ia he laupepa Congregation’s Publisher Record.

◼ He ha magaaho ka tauteute ai ke fano fenoga ti putoia e fina atu ke he tau feleveiaaga he fakapotopotoaga, ke he toloaga, po ke fonoaga he fahimotu he taha motu, ko e ole hau ke he tau vala tala ke he tau aho, tau magaaho, mo e tau matakavi kua lata ni ke ta atu fakahako ke he la ofisa ne leveki e gahua he motu ia. Ko e tau kaina he tau la ofisa kua tohi ke he lau fakahiku he Yearbook fou.

◼ Kua lata e la ofisa ke tokamau e fakamauaga fou he tau kaina mo e tau numera telefoni he tau leveki fakapotopotoaga mo e tau tohikupu oti. Ka fai hikiaga he ha magaaho, kua lata e Komiti Fekafekau he Fakapotopotoaga ke fakapuke katoa, saini, mo e fakafano fakamafiti e laupepa Presiding Overseer/​Secretary Change of Address (S-29) ke he la ofisa. Kua putoia foki ke he mena nei ha hikiaga ke he tau numera telefoni he matakavi.