Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Aperila 25, 2005. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Mati 7 ki a Aperila 25, 2005. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Ka taute e lauga, maeke fefe ia tautolu ke fakaaoga fakamitaki e vala tala ne kotofa ki a tautolu, mo e ko e ha ne aoga ai? [be lau 234 para. 1-3, tau puha]
2. Lahi fefe e vala tala kotofa ne kua lata ia tautolu ke fakatutala ki ai he lauga? [be lau 234 para. 4–lau 235 para. 1]
3. Liga fakaaoga fefe e tautolu e tau huhu ke fakamalolo e fakatutalaaga he gahua he fonua? (Gahua 8:30) [be lau 236 para. 2-5]
4. Puhala fe ka fakaaoga e tautolu e tau huhu ke lagomatai e tau tagata fakaako Tohi Tapu ke fakaaoga e “manamanatuaga iloilo” ha lautolu? (Roma 12:1, NW) [be lau 238 para. 1]
5. Ko e heigoa e hufiaaga he tau huhu ne fakakite he Roma 8:31, 32 mo Isaia 14:27? [be lau 239 para. 1-2]
KOTOFAAGA NU. 1
6. Puhala fe kua ‘fakatoka e tautolu e Keriso mo fakaveaga’ he gahua taute tutaki ha tautolu? (1 Kori. 3:11) [be lau 278 para. 1-2]
7. Ha kua foaki e Iehova e pule katoatoa ke he Tama hana he 1914, ko e heigoa e foliaga ha tautolu he magaaho ka liogi, “Kia hoko mai hau a kautu”? (Mata. 6:9, 10) [be lau 279 para. 4]
8. Ko e ha kua lata e tau Kerisiano ke manako ke iloa ke totou, mo e fakatoka fefe e Iesu e fakafifitakiaga ke he mena nei? [w03-E 3/15 lau 10 para. 5; lau 12 para. 2]
9. Maeke fefe he tau fakafifitakiaga ha Iosia mo Iesu ke lagomatai e tau fuata ke taute e tolomaki fakaagaga? [w03 4/1 lau 30 para. 3-4; lau 32 para. 3]
10. Ko e ha kua maeke ia tautolu ke falanaki ke he Atua? (Fakatai 3:5, 6) [w03 11/1 lau 4 para. 6-7]
TOTOUAGA HE TOHI TAPU FAKAFAHI TAPU
11. Ko e ha ne liogi a Hana ki a Iehova ke ‘foaki e malolo ke he hana patuiki’ ka e nakai fai patuiki i Isaraela? (1 Samu. 2:10)
12. Ko e heigoa ne ako e tautolu he kaumahala a Isaraela pete kua toka ia lautolu e puha he maveheaga? (1 Samu. 4:3, 4, 10)
13. Ko e ha ne hagaao e 1 Nofoaga he Tau Patuiki 2:13-15 ki a Tavita ko e tama ke fituaki ha Iese, ka e fakakite he 1 Samuela 16:10, 11 ko e valuaki a ia?
14. Ko e heigoa e “agaga kelea” ne hoko ki a Saulo? (1 Samu. 16:14)
15. Kua hakotika kia e mena ne talahau tuai e “Samuela” puhala he fifine taulatua i Enetoro? (1 Samu. 28:16-19)