Tau Fakailoaaga

◼ Tohi foaki ma Aokuso: Ha porosua ne 32 e lau ka maeke ke foaki. Sepetema: Ko e Mena Galo he Fiafia he Magafaoa. Ma e taha foaki foki, maeke ia koe ke fakakite e porosua Kia Mataala! Oketopa: Ko e tau mekasini Ko e Kolo Toko mo e Awake! Ka fakakite e fiafia, foaki e porosua Manako, taute e tau laliaga pauaki ke kamata e tau fakaakoaga Tohi Tapu. Novema: Iloilo ne Takitaki Atu ke he Moui Tukulagi po ke tuleke Manako Nakai a Koe ke Iloa Lahi e Tohi Tapu?

◼ Ha kua lima e okioki fahi tapu ia Oketopa, ko e mahina mitaki lahi ke paionia fakaku.

◼ Kua lata ke toka e lau 5 mo e 6 he fufuta nei he Ha Tautolu a Fekafekauaga he Kautu ke fakaaoga fakalataha mo e tau fakaholoaga he toloaga he takaiaga mo e aho toloaga pauaki ma e tau he fekafekauaga he 2006.

◼ Kua lata e leveki fakapotopotoaga po ke taha ne fifili e ia ke tivi e fakamauaga tupe he fakapotopotoaga ia Sepetema 1 po ke nakai leva mai he magaaho ia. Kaeke fai pepa tupe kehe foki, tuga ma e leveki po ke talagaaga fale, lata ke fai tauteaga ke tivi foki e tupe ia. Ka oti e (tau) tivi, kua lata e mena nei ke fakailoa ke he fakapotopotoaga fakalataha mo e hokotaki tupe ka hau.

◼ Ko e fakamanatu atu, kua nakai lata ke fakaaoga e matahigoa he kaina he la ofisa ke taui ki ai e ha tohi fakatagata. Putoia he mena nei e tau tohi oti mo e ha tohi ne fakahu ke fakamatala ke he tau tagata ne fiafia, ke he tau kaina ne nakai moua ha tagata i ai, po ko lautolu ne nonofo he tau matakavi ne uka ke hoko ki ai. Kua lata e tagata fakailoa ke fakaaoga e matahigoa he kaina hana ke taui ki ai, kakano ko e fekafekauaga hana kua putoia e fekafekauaga fakatagata hana ke he Atua. (Mata. 28:19, 20; Roma 10:14, 15) Ka e, ka logona e ia kua nakai pulotu ke fakaaoga e matahigoa he kaina hana ke taui e tohi ki ai ka fakamatala he meli, maeke ia ia ke tohi e higoa hana ti fakaaoga e matahigoa he kaina he Fale he Kautu ke taui e tohi ki ai.​—Kikite e Puha Huhu he Ha Tautolu a Fekafekauaga he Kautu ia Me 2002.

◼ Ko e totouaga lagataha he tau he tau tohi mo e tau mekasini he fakapotopotoaga kua lata ke taute he aho po ke tau aho he tata ki a Aokuso 31, 2005. Tatai e totouaga nei mo e totouaga ne taute he takitaki leveki tohi he tau mahina takitaha, ti tohi e katoatoa he laupepa fakapuke Literature Inventory (S-18). Ko e katoa he tau mekasini ne ha ha he fakapotopotoaga kua lata ke moua mai he (tau) fekafekau mekasini. Ko e tohikupu he fakapotopotoaga ne takitaki e gahua ia kua lata ke leveki e totouaga he tau tohi. Ko ia mo e leveki fakapotopotoaga he fakapotopotoaga ne takitaki e matagahua ia ka saini e laupepa fakapuke. To igatia e fakapotopotoaga ne lagomatai e gahua ia mo e moua tolu e laupepa fakapuke Literature Inventory (S-18). Fakamolemole fakahu e lau fakamua ke he la ofisa he nakai mole e Sepetema 6. Tuku taha lagaki he tau fakamauaga he fakapotopotoaga. Ko e lagaki ke toluaki ka gahua ki ai.

◼ Lata e tau fakapotopotoaga ke kamata ota e 2006 Calendar of Jehovah’s Witnesses, Kumikumi e Tau Tohiaga Tapu he Tau Aho Takitaha​—2006, mo e 2006 Yearbook of Jehovah’s Witnesses fakalataha mo e ota tohi ha lautolu ka hau. Ko e tau vagahau ne moua e tau tohi nei i ai to kitia ai ke he “Fakailoaaga ke he Tau Fakapotopotoaga Oti,” ne fa fakahu atu ke he tau fakapotopotoaga oti he tau mahina ua oti.