Liu Fakamanatu he Aoga Fekafekau Fakateokarasi
Ko e tau huhu i lalo ka fakatutala he Aoga Fekafekau Fakateokarasi he fahi tapu ka kamata ia Tesemo 26, 2005. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau fahi tapu ia Novema 7 ki a Tesemo 26, 2005. [Mailoga: Ka nakai fai fakamoliaga talitua e matahiku he huhu, kua lata ke taute ni e koe e kumikumi fakatagata hau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Ko e heigoa kua lata ke taute e tautolu ke mailoga moli kua foaki e tautolu e tomatomaaga “ha ko e fakaalofa”? (File. 9) [be lau 266]
2. Ko e heigoa e tau puhala kua maeke ia tautolu ke “fakamafana atu ke he tau kupu ke momoui ai”? (Tito 1:9) [be lau 267 para. 1-2]
3. Ko e ha ne aoga ai ke taute e tau lauga ha tautolu ke atihake, mo e taute fefe e tautolu e mena nei? [be lau 268 para. 1-3, puha]
4. He fifitaki ki a Mose, maeke fefe he lagomataiaga ha tautolu ke he falu ke manatu e tau mena ne taute e Iehova ma e tau tagata hana ke fakaohooho e malolo? (Teu. 3:28; 31:1-8) [be lau 268 para. 5–lau 269 para. 2]
5. Ko e ha ka vagahau mo e fiafia a tautolu hagaao ke he tau mena hane taute e Iehova mogonei mo e ka taute e ia anoiha kua atihake e toloaga? [be lau 270-1]
KOTOFAAGA NU. 1
6. Ko e heigoa e Septuagint, ti ko e ha kua fiafia e tau Kerisiano ki ai? [bsi05 lau 15 para. 12-4]
7. Ko hai e tau Masorete, mo e ko e heigoa e tau lafiaga mahuiga ne taute e lautolu ke he fakaliliuaga he Tohi Tapu? [bsi05 lau 18 para. 18; lau 19 para. 20-1]
8. Ko e heigoa ne foaki e matapatu tohi ma e tohi Heperu he New World Translation faka-Peritania, ti ko e ha ne talahau ko e fakaliliuaga nei kua talitonu mo e mauokafua? [bsi05 lau 22 para. 28, 30]
9. Fakakite fefe he tau Kerisiano fakamua atu e manako lahi ke taute fakailoa e Kupu he Atua? [bsi05 lau 23 para. 1–lau 24 para. 3-5]
10. Ko e heigoa he fakaakoaga ke he tau menusikuripi mo e tau tohi he tau Tohiaga Tapu ne fakakite hagaao ke he Tohi Tapu? [bsi05 lau 30 para. 32]
TOTOUAGA HE TOHI TAPU FAKAFAHI TAPU
11. Ha kua nakai fakaata a Tavita ke ta e faituga, kua fakakite kia he mena ia e nakai talia e Iehova e tau felakutaki ne tau ai a Tavita? (1 Nofo. 22:6-10)
12. He liogi fakaulu faituga hana, fakakite fefe e Solomona kua nakai mataala hokoia a Iehova ke he tau manako he tau fekafekau hana ko e matakau, ka kua mataala foki a ia ke he tuaga pauaki he tau tagata takitokotaha ne matakutaku ki a ia? (2 Nofo. 6:29, 30)
13. Ko e heigoa e [“tau temoni tino tuga e koti,” NW] ne tala ki ai he 2 Nofoaga he Tau Patuiki 11:15?
14. Ha kua kamata e pule ha Paasa he “tau tolu he patuiki ai a Asa” mo e pule ke 24 ni e tau, maeke fefe ia tautolu ke fakalautatai e hauaga ha Paasa ke ‘totoko ki a Iuta’ he “tau tolugofulu ma ono ne patuiki ai a Asa”? (1 Patu. 15:33; 2 Nofo. 16:1)
15. Fakakite fakamahino fefe he 2 Nofoaga he Tau Patuiki 20:22, 23 e mena ka tupu ke he lalolagi ha Satani?