Tau Fakailoaaga

◼ Tohi foaki ma Ianuari: Ha tohi tuai ne 192 e lau ne ha ha he fakapotopotoaga. Fepuari: Fakatata Atu ki a Iehova. Mati: Ko e Heigoa ne Fakaako Moli he Tohi Tapu? Aperila mo Me: Fakakite e tau lagaki he Ko e Kolo Toko mo e Awake! Ka taute e tau liu aahi atu ke he tau tagata kua fiafia, hagaaki ke foaki e tohi Fakaako he Tohi Tapu.

◼ Ha kua lima katoa e matahiku faahi tapu ia Aperila, ko e mahina mitaki lahi a ia ke paionia fakakū.

◼ Kamata ia Fepuari, mo e nakai molea a Mati 5, ko e lauga foou ma e toloaga he tau leveki takaiaga ko e “Maeke ia Koe ke Olioli e Moui Mafola Mogonei​—Mo e Tukulagi!”

◼ Kua lata e tau fakapotopotoaga ke taute e tau fakatokaaga kua latatonu ke fakahoko e Fakamanatuaga he tau nei he Aho Lotu, Aperila 12, ka mole e toaga la. Pete ka kamata tuai e lauga, ko e uta viko he tau mena fakatai kua nakai lata ke kamata ato mole e toaga la. Fakakia ke he tau fakailoaaga he matakavi ke iloa tonu ko e magaaho fe e toaga la he matakavi ha mutolu. Kua manako ke igatia ni e fakapotopotoaga mo e taute ha lautolu a Fakamanatuaga. Ka e, liga to nakai maeke ke pihia tumau. Ko e tau fakapotopotoaga ne fakaaoga auloa e Fale he Kautu, liga taha po ke loga e fakapotopotoaga ka kumi ke fakaaoga falu fale kehe he afiafi ia. Ka maeke, kua pulega atu a mautolu ke fakaatā kavi ke he 40 e minuti he vahaloto he tau fakaholoaga ke maeke he tau tagata oti ke aoga katoatoa mai he fakalatahaaga. Kua lata foki ke manamanatu ke he holoaga mo e paakaaga he tau peleoafi, pihia he tamai po ke uta he tau pasese. Ko e kau he tau motua kua lata ke fifili e tau fakatokaaga kua latatonu ma e matakavi.

◼ He ha magaaho ka tauteute ai ke fano fenoga ti putoia e fina atu ke he tau feleveiaaga he fakapotopotoaga, ke he toloaga, po ke fonoaga he faahi motu he taha motu, ko e ole haau ke he tau vala tala ke he tau aho, tau magaaho, mo e tau matakavi kua lata ni ke ta atu fakahako ke he la ofisa ne leveki e gahua he motu ia. Ko e tau kaina he tau la ofisa kua tohi he lau fakahiku he Yearbook foou.