Tau Fakailoaaga

◼ Tohi foaki ma Fepuari: Fakatata Atu ki a Iehova. Mati: Ko e Heigoa ne Fakaako Moli he Tohi Tapu? Aperila mo Me: Fakakite ua e lagaki he Ko e Kolo Toko mo e Awake! Ka taute e tau liu aahi atu ki a lautolu ne fiafia, hagaaki ke foaki e tohi Fakaako he Tohi Tapu.

◼ Ha kua lima e matahiku vahā tapu ia Aperila, ko e mahina mitaki a ia ke paionia.

◼ Ko e lauga pauaki ma e magahala Fakamanatuaga he 2006 to fakamataulu “Pule Agaia Nakai e Atua?” Kikite e fakailoaaga hagaao ki ai he Ha Tautolu a Fekafekauaga he Kautu ia Sepetema 2005.

◼ Ko e vala tala he lau 6 ne fakamataulu “Olioli e Fakaakoaga ha Tautolu ke he Ko e Heigoa ne Fakaako Moli he Tohi Tapu?” to fakatutala ki ai he Feleveiaaga Fekafekau he taha magaaho i mua. Fakamolemole leveki e vala tala ia.

◼ Kua lata e leveki fakapotopotoaga po ke taha ne fifili e ia ke tivi e fakamauaga tupe he fakapotopotoaga ia Mati 1 po ke nakai leva mai he magaaho ia. Kaeke fai pepa tupe kehe foki, tuga ma e leveki po ke talagaaga fale, lata ke fai tauteaga foki ke tivi e tupe ia. Ka oti e (tau) tivi, kua lata e mena nei ke fakailoa ke he fakapotopotoaga fakalataha mo e hokotakiaga tupe ka hau.

◼ Kua lata e tohikupu mo e leveki fekafekau ke liu kitekite e gahua he tau paionia tumau oti. Ka uka falu ke hokotia e tau tulā fafati, kua lata he tau motua ke taute taha fakaholoaga ke foaki e lagomatai. Ma e tau lagomataiaga, liu kikite e tau tohi lagataha he tau he S-201.