Liu Fakamanatu he Aoga Fekafekau Fakateokarasi
Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Aokuso 28, 2006. Ko e leveki aoga ka taute e liu fakamanatu ke he 30 e minuti he fakave ke he tau tohi ne fakaaoga ke he tau kotofaaga he tau faahi tapu ia Iulai 3 ki a Aokuso 28, 2006. [Mailoga: Ka nakai fai fakamooliaga talitua e matahiku he hūhū, kua lata ke taute ni e koe e kumikumi fakatagata haau ke moua e tau tali.—Kikite Ministry School, lau 36-7.]
TAU ALITO HE VAGAHAU
1. Maeke fēfē he ono ke he mata ke lagomatai a tautolu ke eke mo tau faiaoga mitaki? (Mata. 19:25, 26; Gahua 14:9, 10) [be lau 124 para. 3–lau 125 para. 3]
2. Ko e ha ne aoga e mukamuka, ti ko e heigoa ka lagomatai a tautolu ke fakakite ai ka gahua he fonua? [be lau 128 para. 1-5, puha]
3. Ko e ha kua lata ke mailoga e mahani meā fakatagata? [be lau 131 para. 1-3]
4. Lata fēfē he “maimaina mo e mahani fakalatalata” ke mailoga e tau mena tui mo e tauteuteaga ha tautolu? (1 Timo. 2:9) [be lau 131 para. 4–lau 132 para. 1]
5. Ko e heigoa e tau matapatu fakaakoaga Tohi Tapu kua lata ke fakaaoga e tautolu ke nakai fakaata he tauteuteaga fakatagata e fakaalofa ke he lalolagi? [be lau 133 para. 2-3]
KOTOFAAGA NU. 1
6. Ko e heigoa e aoga lahi mahaki ne moua mai he totou? [be lau 21 para. 3]
7. Ko e heigoa ke kitia aki kua iloilo po ke goagoa e tagata? (Fakatai 14:2) [w04-E 11/15 lau 26 para. 5]
8. Ko e ha ne “maeke vave e iloilo kia ia ne lotomatala”? (Fakatai 14:6) [w04-E 11/15 lau 28 para. 4-5]
9. Ko e heigoa e fakaako? [be lau 27 para. 3]
10. Lauia fēfē a tautolu he manamanatu fakahokulo ke he tau tufugatia a Iehova? [w04-E 11/15 lau 8 para. 4]
TOTOUAGA HE TOHI TAPU FAKAFAAHI TAPU
11. He vahā i tuai, maeke fēfē a Iehova ke ‘vagahau e kupu’ ne fua mai ai e kau lahi ‘he tau fifine ne fakamatala,’ ti fakagahua fēfē he vahā nei? (Sala. 68:11)
12. Ko e heigoa ne fetamakina a Asafo ke oti e taute he mena hako, ti hiki fēfē e manamanatuaga haana? (Sala. 73:2, 3, 17)
13. Ko e ha e manai ne fakahigoa ko e “mena kai mai he lagi” mo e “tau mena kai he tau iki”? (Sala. 78:24, 25)
14. Ko e heigoa e “mena galo ha i ai e Mua ue atu,” mo e liga ‘nonofo’ fēfē a tautolu i ai? (Sala. 91:1, 2)
15. Ko e puhala fe kua uho ke he fofoga ha Iehova e mamate he tau tagata tapu haana? (Sala. 116:15)