Tau Fakailoaaga

◼ Tohi foaki ma Aperila mo Me: Fakakite e tau lagaki takitaha he Ko e Kolo Toko mo e Awake! Ka taute e tau liu aahi atu ki a lautolu ne fiafia, hagaaki ke foaki e tohi Fakaako he Tohi Tapu. Iuni: Ko e Mena Galo he Fiafia he Magafaoa. Iulai mo Aokuso: Ha porosua ne lata kua maeke ke foaki.

◼ Kamata ia Iuni, ko e tau pine fakamailoga he fonoaga he faahi motu ma e 2007 to tuku fakalataha mo e tau ota tohi. Ti kua nakai lata ke ota ai. Kaeke ke manako e fakapotopotoaga ke fai pine fakamailoga foki, lata ke ole ai he Literature Request Form (S-14). Ko e tau faga palasetiki ma e pine fakamailoga kua lata ke ota ma e ha tagata he fakapotopotoaga kua manako ki ai.

◼ Kua lata e tohikupu he tau fakapotopotoaga ke loga tumau e tau laupepa Application for Regular Pioneer Service (S-205) mo e Application for Auxiliary Pioneer Service (S-205b). Maeke e tau laupepa nei ke ota he Literature Request Form (S-14). Lali ke fakatumau ke lahi e ota ma e tau katoa. Ato fakafano atu e tau tohi ole ke paionia mau ke he la, kia kikite fakamitaki kua oti e laupepa ia he fakapuke.

◼ Kua aoga ma e la ofisa ke tokamau e fakamauaga foou he tau kaina mo e tau numera telefoni he tau leveki fakapotopotoaga mo e tau tohikupu oti. Ka fai hikiaga he ha magaaho, kua lata e Komiti Fekafekau he Fakapotopotoaga ke fakapuke katoa, saini mo e fakafano fakamafiti e laupepa Presiding Overseer/​Secretary Change of Address (S-29) ke he la ofisa. Kua putoia foki e ha hikiaga ke he tau numera ke fakahū tohi ki ai mo e tau numera telefoni he matakavi.

◼ He ha magaaho ka tauteute ai ke fano fenoga ti putoia e fina atu ke he tau feleveiaaga he fakapotopotoaga, ke he toloaga, po ke fonoaga he faahi motu he taha motu, ko e ole haau ke he tau vala tala ke he tau aho, tau magaaho, mo e tau matakavi kua lata ni ke ta atu fakahako ke he la ofisa ne leveki e gahua he motu ia. Ko e tau kaina he tau la ofisa kua tohi he lau fakahiku he Yearbook foou.