Tau Fakailoaaga

◼ Tohi foaki ma Ianuari: Iloilo ne Takitaki Atu ke he Moui Tukulagi po ke ha tohi ne 192 e lau kaeke kua fai. Ma e taha foaki foki, maeke ia koe ke fakaaoga e porosua Kia Mataala! Fepuari: Ko e Mena Galo he Fiafia he Magafaoa Mati: Ko e Heigoa ne Fakaako Moli he Tohi Tapu? Aperila mo Me: Fakakite e tau lagaki he Ko e Kolo Toko mo e Awake!

◼ Ha kua lima katoa e matahiku faahi tapu ia Mati, ko e mahina mitaki lahi a ia ke paionia fakakū.

◼ Kamata ia Fepuari, mo e nakai molea e Mati 2, ko e lauga foou ma e toloaga he tau leveki takaiaga ko e “Moua I fe e Koe e Lagomatai he Tau Magaaho Tupetupe?”

◼ Kua lata e tau fakapotopotoaga ke taute e tau fakatokaaga kua latatonu ke fakahoko e Fakamanatuaga he tau nei he Aho Faiumu, Mati 22, ka mole e tōaga laā. Pete ka kamata tuai e lauga, ko e uta viko he tau mena fakatai kua nakai lata ke kamata ato mole e tōaga laā. Fakakia ke he tau fakailoaaga he matakavi ke iloa tonu ko e magaaho fe e tōaga laā he matakavi ha mutolu. Kia lali e tau fakapotopotoaga takitaha ke igatia ni mo e taute e Fakamanatuaga. Ka e, liga to nakai maeke ke pihia tumau. Ko e tau fakapotopotoaga ne fakaaoga auloa e Fale he Kautu, liga taha po ke loga e fakapotopotoaga ka kumi ke fakaaoga falu fale kehe he afiafi ia. Ka maeke, kua pulega atu a mautolu ke fakaatā kavi ke he 40 e minuti he vahāloto he tau fakaholoaga ke maeke he tau tagata oti ke aoga katoatoa mai ke he lafiaga ka hili e Fakamanatuaga. Kua lata foki ke manamanatu ke he holoaga mo e paakaaga he tau peleōafi, pihia he tamai mo e uta he tau pasese. Ko e kau he tau motua kua lata ke fifili e tau fakatokaaga kua latatonu ma e matakavi.

◼ Kua lata e tohikupu he tau fakapotopotoaga ke moua e tohi kotofa paionia (S-202) ma e tau paionia tumau takitaha he fakapotopotoaga. Kaeke nakai moua, kua lata ia lautolu ke tohi ke fakailoa ke he la ofisa.

◼ Ia Novema 11, 2007 ne taha e fakapotopotoaga foou kua 81 e tagata fakailoa ne kamata gahuahua i Nelson. Ne fakatū mai ai he fakapotopotoaga ne fitā i ai ko e Fakapotopotoaga Richmond, ko e higoa he fakapotopotoaga foou ko e Fakapotopotoaga Stoke, i Nelson. Ko e katoatoa he tau fakapotopotoaga i Niu Silani ko e 171.