Tau Fakailoaaga

◼ Tohi foaki ma Oketopa: Fakakite e tau lagaki takitaha he tau mekasini Ko e Kolo Toko mo e Awake! Ka fakakite e fiafia, foaki e tuleke Manako Nakai a Koe ke Iloa e Kupu Mooli? Novema: Ko e Heigoa ne Fakaako Moli he Tohi Tapu? Ma e taha foaki, maeke ia koe ke fakaaoga e tohi Iloilo ne Takitaki Atu ke he Moui Tukulagi. Tesemo: Ko e Tagata Mua Ue Atu ne Moui. Ianuari: Ko e Heigoa ne Fakaako Moli he Tohi Tapu? Ma e taha foaki, maeke ia koe ke fakaaoga e tohi Iloilo ne Takitaki Atu ke he Moui Tukulagi, po ke ha tohi ne 192 e lau ne fai he fakapotopotoaga.

◼ To nakai liu e Setulu he Aoga Fekafekau Fakateokarasi he tau ke moua i loto he uho he Ha Tautolu a Fekafekauaga he Kautu. Ka e to igatia e fakapotopotoaga mo e moua e setulu he tau, ti taha e lagaki he setulu kua lata ke tau hake he lapa fakailoa he Fale he Kautu. To toka he leveki aoga e taha lagaki mo fakaaoga haana ke taute e tau kotofaaga. To matutaki e tau tagata fakailoa ke moua e ha lautolu a lagaki fakatagata he Ha Tautolu a Fekafekauaga he Kautu he tau mahina takitaha, mo e to fakakite e setulu he tau faahi tapu takitaha ma e Fakaakoaga Tohi Tapu he Fakapotopotoaga, Aoga Fekafekau Fakateokarasi, mo e Feleveiaaga Fekafekau.