Liu Fakamanatu he Aoga Fekafekau Fakateokarasi

Ko e tau hūhū i lalo ka fakatutala he Aoga Fekafekau Fakateokarasi he faahi tapu ka kamata ia Iuni 24, 2013. Ko e aho ka fakatokatoka e tau manatu takitaha ke fakatutala ne putoia ke maeke e kumikumiaga ke tauteute ke lata ma e aoga he tau faahi tapu takitaha.

1. Ko e heigoa e kakano ha Iesu he talahauaga ne fakamau ia Ioane 3:14, 15: “Tuga a Mose, ne ta hake ki luga e gata ke he tutakale; kia ta hake pihia e Tama he tagata ke lata ai”? [Me 6, gt ve. 17 para. 5]

2. Ko e heigoa e kakano ke ‘ha i loto ia ia e moui’? (Ioane 6:53) [Me 13, w08 4/15 lau 31 para. 1]

3. Ko e heigoa e kakano ke ‘iloa e mena moli’ ne fakakite e Iesu he Ioane 8:32? [Me 20, w12 7/15 lau 9-10 para. 11]

4. Ko e heigoa ne fakaako e tautolu mai he “tagi” ha Iesu ha ko e mate he kapitiga haana ko Lasaro? (Ioane 11:35) [Me 20,w08 7/1 lau 26 para. 3-5]

5. Ko e heigoa e fakaakoaga malolō he fakaakoaga ha Iesu he holoholo e ia e tau hui he tau tutaki haana? (Ioane 13:4, 5) [Me 27, gt ve. 113 para. 10]

6. Maeke fēfē e agaaga he Atua ke eke mo takitaki mooli ma tautolu? (Ioane 14:26) [Me 27, w11 12/15 lau 14-15 para. 9]

7. Ia Ioane 21:15, ko e heigoa e kakano he “lautolu nei” ne hagaao ki ai, ti ko e heigoa e fakaakoaga ka fakaako e tautolu mai i ai? [Iuni 3, w08 4/15 lau 32 para. 11]

8. Hagaao ki a Gahua 2:44-47 mo e Gahua 4:34, 35, ko e heigoa e agaaga kua lata he tau Kerisiano ke fifitaki? [Iuni 10, w08 5/15 lau 30 para. 5]

9. Ne liogi kia a Setefano ki a Iesu he tala ne moua ia Gahua 7:59? [Iuni 17, w08 5/15 lau 31 para. 2]

10. Ko e heigoa kua fakakite hagaao ke he aga he aposetolo ko Peteru he nofo a ia mo Simona, ko e tagata taute kili manu? (Gahua 9:43; 10:6) [Iuni 24, w02 3/1 lau 31 para. 17]