Tau Fakafeleveiaaga Fakataitai

Ke Kamata e Tau Fakaako Tohi Tapu he Aho Faiumu Fakamua ia Tesemo

“Kua feleveia fakakū mai a maua ke he tau takatakai kaina he aho nei. Tokologa e tau tagata ne tutala a maua ki ai ne pehē ko e taha he tau tuaga ne mua atu e uka anei kua feleveia mo lautolu ko e mate he fakahele. Pihia foki nakai e logonaaga haau? [Fakaatā ma e tali.] Mafanatia e vala tala nei ki a au.” Fakakite e lau i tua he Kolo Toko ia Novema-Tesemo, ti fakatutala auloa ke he vala tala i lalo he hūhū fakamua mo e taha e kupu tohi ne tu ai. Foaki e tau mekasini, ti fakatoka ke liu atu ke fakatutala ke he taha hūhū foki.

Ko e Kolo Toko Novema-Tesemo

“Ahiahi mai a maua ha kua tokologa he matakavi ha tautolu ne manamanatu ke he kakano ne fakaatā he Atua e matematekelea lahi. Kua manamanatu nakai a koe ke he mena ia? [Fakaatā ma e tali.] Mitaki e maveheaga he Tohi Tapu, to hoko mai e magaaho ka mole atu e tagi mo e matematekelea. [Totou Fakakiteaga 21:4.] Kua kumikumi he mekasini nei ke he lima e kakano ne kua lahi mahaki e matematekelea. Fakakite foki e talahauaga he Tohi Tapu ke he puhala ka fakaoti he Atua e matematekelea.”

Awake! Tesemo

“Tokologa ia tautolu ne fai manatu ne fakavē ke he tau mena ne logona po ke totou e tautolu he tau faahi fakapuloa tala. Manatu nakai a koe kua hakotika mo e mooli e tau tala ne moua e tautolu? [Fakaatā ma e tali.] Kua talahau mai he Tohi Tapu ke mataala he falanaki ke he tau tala ka logona e tautolu. [Totou Iopu 12:11.] Foaki mai he mekasini nei falu puhala ke lagomatai a tautolu ke kamatamata e tau kupu kua logona mo e totou e tautolu.”