Fakamakutu he Fakailoa e Kupu Mooli Hagaao ki a Iesu

Kua tupu lahi e fakamakutu ha tautolu ka iloa e tautolu ke tala age ke he falu e kupu mooli hagaao ki a Iesu. Ko Iesu ko e maka ke fakamau aki e malokuaga ne fakavē ai e tua mooli. (Efeso 2:20) Ka nakai fai Iesu, to nakai fai amaamanakiaga a tautolu ke moua e moui. (Gahua 4:12) Ko e mena ia, kua aoga ma e tau tagata oti ke mailoga e tuaga ha Iesu he finagalo he Atua. Tokologa ne fakahehē he tau fakaakoaga nakai faka-Tohi Tapu. Momoko ai, to liga nakai moua e lautolu e tau maveheaga he Kupu he Atua ne fakatoka ma lautolu kua fakagahua e tua ia Iesu. Ko e fakamakutu ha tautolu ma e kupu mooli to omoomoi a tautolu ke lagomatai a lautolu ne loto fakamooli ke moua e maamaaga hako hagaao ki a Iesu, fakafetuiaga haana ke he Atua, mo e matagahua haana he finagalo he Atua. He magahala Fakamanatuaga nei, to fakamakutu nakai a koe ke fakapuloa e kupu mooli hagaao ki a Iesu?