Liu Fakamanatu he Aoga Fekafekau Fakateokarasi

Ko e heigoa e tau kupu mooli atihake ke he tua hagaao ke he Atua ko Iehova ne moua e tautolu he liogi ha Solomona, ti aoga fēfē a tautolu he manamanatu fakahokulo ke he tau kupu mooli ia? (1 Patu. 8:22-24, 28) [Iulai 6, w05 7/1 lau 20 para. 7]

Fakamalolō fēfē he fakafifitakiaga ha Tavita a tautolu ke o fano ‘mo e loto fakamooli katoa’? (1 Patu. 9:4) [Iulai 13, w12 11/15 lau 7 para. 18-19]

Ko e heigoa e fakaakoaga aoga ka moua e tautolu mai he tala ne fakafano atu e Iehova a Elia ke he fifine takape i Sarefata? (1 Patu. 17:8-14) [Iulai 27, w14 2/15 lau 14]

Maeke fēfē he manamanatu fakahokulo ke he tala he 1 Tau Patuiki 17:10-16 ke fakamalolō e fifiliaga ha tautolu ke mauokafua katoatoa ki a Iehova? [Iulai  27, w14 2/15 lau 13-15]

Aoga fēfē a tautolu mai he fakafifitakiaga ne fakatoka e Elia ke fahia mai he tau logonaaga fakaatukehe? (1 Patu. 19:4) [Ao. 3, w11 10/1 lau 25 para. 2-3; w14 3/15 lau 15-16 para. 15-16]

Fēfē e tali atu ha Iehova he kitia e ia kua fakaatukehe lahi a Elia, ti maeke fēfē a tautolu ke fifitaki e Atua fakaalofa ha tautolu? (1 Patu. 19:7, 8) [Ao. 3, w14 6/15 lau 27 para. 15-16]

He tau kupu haana, “Kua moua kia e koe au, ko koe na kua fai fi mai kia au,” ko e heigoa e onoonoaga hepe ne fakakite he mena nei kua moua he Patuiki ko Ahapo, ti ko e heigoa ha tautolu kua fakaako? (1 Patu. 21:20) [Ao. 10, w14 3/1 lau 14-15 para. 3-4]

Ko e ha ne ole a Elisaio ke he ‘ua e veveheaga he agaga ha Elia’? (2 Patu. 2:9) [Ao. 17, w05 8/1 lau 8 para. 6]

Maeke fēfē a lautolu ne ikiiki ke fifitaki e tua mo e loto malolō he tama fifine tote Isaraela he 2 Tau Patuiki 5:1-3? [Ao. 24, w12 2/15 lau 12-13 para. 11]

Ko e tau mahani fe ha Iehu kua lata he tau fekafekau oti ha Iehova ke fakamakamaka ke muitua he magaaho nei he fakaotiaga? (2 Patu. 10:16) [Ao. 31, w11 11/15 lau 5 para. 4]