Fakakite Fakamaali e Kakano Aoga

Tau Fakatai 3:21

MENA KE TAUTE: Lagomatai e tau tagata fanogonogo ke maama e puhala he matakupu haau ne lauia e tau momoui ha lautolu, ti fakakite e puhala ke taute aki e tau mena ne fakaako ki a lautolu.

PUHALA KE TAUTE AI:

• Manamanatu ke he tau tagata fanogonogo haau. Manamanatu ke he kakano kua lata he tau tagata fanogonogo ke logona e vala tala kua talahau e koe, ti manamanatu ke he tau vala he matakupu ka lagomatai pauaki ki a lautolu.

• He fakataitaiaga haau, fakakite ke he tau tagata fanogonogo e mena ke taute. Tali mai he kamataaga, lata e tau tagata fanogonogo ke mailoga, ‘Lagomatai he manatu nei au.’ He feaki e koe e tau matapatu manatu takitaha, fakakite e puhala ke fakagahua ai. Vagahau fakamaama.