Ko e Heigoa e Finagalo he Atua ma Tautolu?

Talahau he Tohi Tapu ko e moui he tagata “kua gahoa [e] tau aho, ti puke ai ke he fakaatukehe.” (Iopu 14:1) Ko e moui kia anei ne manako e Atua ma tautolu? Ka nakai, ko e heigoa e finagalo haana ma tautolu? To fakamooli nakai? Manamanatu ke he tau tali mafanatia he Tohi Tapu.

1. Ko e moui fēfē ne manako a Iehova ma tautolu?

Manako a Iehova ke moua e tautolu e moui kua mua e mitaki. Magaaho ne tufugatia e ia e tau tagata uluaki ko Atamu mo Eva, tuku e ia a laua he parataiso fulufuluola, ko e kaina ko Etena. Ti “fakamonuina foki he Atua a laua, mo e pehe atu e Atua kia laua, Kia fanau a mo e fakatokologa, kia fakapuke foki e lalolagi, mo e kautu ki ai.” (Kenese 1:28) Manako a Iehova ke fanafanau a laua, taute e lalolagi katoa mo parataiso, mo e leveki e tau manu. Ko e finagalo haana ma e tau tagata oti kana ke tino malolō katoatoa mo e moui tukulagi.

Pete kua nakai pihia e mena ne tupu,a nakaila hiki ia e finagalo he Atua. (Isaia 46:10, 11) Manako agaia a ia ke he tau tagata omaoma ke momoui tukulagi i lalo hifo he tau tuaga mitaki katoatoa.​—Totou Fakakiteaga 21:3, 4.

2. Moua fēfē e tautolu e moui fai kakano mogonei?

Tufuga e Iehova a tautolu mo e manako ke he takitakiaga haana. Kakano ia ati loto a tautolu ke iloa mo e tapuaki a ia. (Totou Mataio 4:4; 5:3-6.) Manako a ia ke kapitiga tata a tautolu mo ia, “kia [o] fano ai ke he hana tau puhala oti ni, mo e fakaalofa” ki a ia, ti fekafekau ki a ia “mo e [ha tautolu] a loto katoa.” (Teutaronome 10:12; Salamo 25:14) Ka taute pihia, to fiafia mooli a tautolu pete e tau lekua. He tapuaki ki a Iehova kua moua e tautolu e moui fai kakano mo e aoga mooli.

3. Mitaki lahi e finagalo ha Iehova ma e tau tagata

Tā e VITIŌ, ti tutala ke he hūhū nā.

VITIŌ: Ko e Ha ne Tufuga he Atua e Lalolagi?​—Vitiō Kū (1:41)

• Ko e ha ne tufuga he Atua e lalolagi fulufuluola ha tautolu?

Totou Fakamatalaaga 3:11, ti tutala ke he hūhū nei:

• Ko e heigoa he mena nei kua fakaako e koe hagaao ki a Iehova?

4. Nakai hiki e finagalo ha Iehova

Totou Salamo 37:11, 29 mo e Isaia 55:11, ti tutala ke he hūhū nei:

• Iloa fēfē e tautolu kua nakai hiki e finagalo ha Iehova ma tautolu?

5. Fai kakano mooli e moui ha tautolu he tapuaki ki a Iehova

VITIŌ: Fakaako e Au e Kakano he Moui (5:03)

• Aoga fēfē a Terumi he fakaako ke he kakano he moui?

Totou Fakamatalaaga 12:13, ti tutala ke he hūhū nei:

• Ha kua loga lahi e mena ne taute e Iehova ma tautolu, to fēfē e logonaaga ha tautolu?

MANATU KATOA

Manako a Iehova ki a tautolu ke fiafia e moui tukulagi he tau tuaga mitaki katoatoa he lalolagi nei. Ka tapuaki a tautolu ki a ia mo e tau loto katoatoa, to fai kakano mooli e tau momoui ha tautolu, pihia foki mogonei.

Liu Fakamanatu

• Ko e heigoa e finagalo fakamua ha Iehova ma Atamu mo Eva?

• Iloa fēfē e tautolu kua nakai hiki e finagalo he Atua ma e tau tagata?

• Moua fēfē e koe e kakano mooli he moui?

KUMI FOKI

Manamanatu ke he fakamooliaga na mooli e kaina ko Etena.

“Ko e Kaina ko Etena​—Tala Tuai po ke Tala Mooli?” (Ko e Kolo Toko, Aperila-Iuni 2011)

Fakaako ke he kakano kua mauokafua a tautolu to tumau tukulagi e fua lalolagi.

“To Moumou Kia e Fua Lalolagi?” (Vala tala he kupega hila)

Kumikumi ke he talahauaga he Tohi Tapu ke iloa e kakano he moui haau.

“Ko e Heigoa e Kakano he Moui?” (Vala tala he kupega hila)

Kitia e tagata ne manatu kua moua e ia e tau mena oti, ka kua moua e mena ne galo he moui haana he mogo fakamui.

Fai Kakano e Moui Haaku Mogonei (3:55)