Fifili Fakailoilo Haau a Tau Kapitiga

Ko e tau kapitiga uho kua lafi ke he fiafia ha tautolu he tau magaaho mitaki, ti fakamalolō foki ki a tautolu he tau magaaho uka. Ka e hataki he Tohi Tapu a tautolu kua nakai mitaki oti e tau kapitiga. Ti fifili fēfē e koe e tau kapitiga mitaki? Manamanatu ke he tau hūhū nā.

1. Lauia fēfē a koe ha ko e tau kapitiga haau ne fifili?

Hihiga a tautolu ke tuga e tau tagata ne lafi auloa. Maeke e mena nei ke mitaki po ke kelea​—kaeke ke lafi auloa a tautolu mo lautolu po ke he initanete. Tuga ne talahau he Tohi Tapu, “ko ia kua feoaki mo e tau tagata iloilo, kua iloilo ni a ia; ka ko ia kua kapitiga mo e tau tagata goagoa [lautolu ne nakai fakaalofa ki a Iehova], to matematekelea ai a ia.” (Tau Fakatai 13:20) Ko e tau kapitiga kua fakaalofa mo e tapuaki ki a Iehova ka lagomatai a koe ke fakatata lahi ki a Ia mo e taute e tau fifiliaga mitaki. Ka ko e tau kapitiga tata i fafo he fakapotopotoaga ka futiaki kehe a tautolu ia Iehova. Kakano ia ti fakamafana he Tohi Tapu a tautolu ke fifili fakailoilo e tau kapitiga! Kaeke ko e tau kapitiga ha tautolu ko e tau tagata ne fakaalofa ke he Atua, kua aoga ki a tautolu mo lautolu. Maeke a tautolu ke tumau e “fetomaaki . . . mo e fefakamafanaki.”​—1 Tesalonia 5:11.

2. Lauia fēfē a Iehova ha ko e tau kapitiga ne fifili e koe?

Fifili fakamitaki e Iehova e tau kapitiga haana. “Kua feofanaki a ia mo lautolu ne mahani hakohako.” (Tau Fakatai 3:32) Fēfē e logonaaga ha Iehova ka fifili e tautolu e tau kapitiga ne nakai fakaalofa ki a ia? To momoko lahi a ia! (Totou Iakopo 4:4.) Ka e fiafia a Iehova mo e to fifili a tautolu mo tau kapitiga haana ka tiaki e tautolu e lafiaga kelea mo e fakatata ki a ia mo lautolu kua fakaalofa ki a ia.​—Salamo 15:1-4.

KUMIKUMI FAKAHOKULO

3. Mataala ke he tau lafiaga kelea

Ko e tau tagata kua nakai fakaalofa ke he Atua mo e nakai fiafia ke he tau tuaga Haana ko e lafiaga kelea. Tā e VITIŌ, ti tutala ke he hūhū nā.

VITIŌ: Fakaako ke Tiaki e Lafiaga Kelea (6:17)

• Putoia fēfē a tautolu ke he lafiaga kelea ka e nakai mailoga ai?

Totou 1 Korinito 15:33, ti tutala ke he tau hūhū nei:

• Ko e vahega tagata fēfē ka eke mo lafiaga kelea ki a koe? Ko e ha?

Totou Salamo 119:63, ti tutala ke he hūhū nei:

• Ko e heigoa ka kumi e koe ke he kapitiga?

4. Maeke e tau tagata kehekehe mo tau kapitiga mitaki ha tautolu

Fakamaama he Tohi Tapu hagaao ki a Tavita mo Ionatana, ko e tau tagata tokoua i Isaraela i tuai. Kehekehe e tau tau he moui mo e tau tuaga ha laua; ka e ofoofogia e kapitiga ha laua. Totou 1 Samuela 18:1, ti tutala ke he hūhū nei:

• Ko e ha kua nakai lata tumau ke kapitiga ni mo e atu taha po ke tatai e tau tutūaga?

Totou Roma 1:11, 12, ti tutala ke he hūhū nei:

• Kua fefakamafanaaki fēfē e tau kapitiga kua fakaalofa ki a Iehova?

He vitiō nei, kitia e puhala kua moua he taha matakainaga taane fuata e tau kapitiga ne nakai amanaki ki ai. Tā e VITIŌ, ti tutala ke he tau hūhū nā.

VITIŌ: Moua e Tau Kapitiga he Tau Matakavi ne Nakai Amanaki ki Ai (5:06)

• He vitiō, ko e ha kua tupetupe e tau matua ha Akil ke he tau kapitiga haana he aoga?

• Ko e ha kua fiafia a ia ke he tau kapitiga pihia he magaaho fakamua?

• Kautū fēfē a ia ke he matimati haana?

5. Puhala ke feaki e tau kapitiga mitaki

VITIŌ: Ko Hai e Kapitiga Mooli? (4:14)

Totou Tau Fakatai 18:24 mo e 27:17, ti tutala ke he tau hūhū nei:

• Felagomataiaki fēfē e tau kapitiga mooli?

• Fai kapitiga mitaki pihia nakai a koe? Ka nakai fai, maeke fēfē a koe ke moua ai?

Totou Filipi 2:4, ti tutala ke he hūhū nei:

• Ke moua e tau kapitiga mitaki, lata a koe ke eke mo kapitiga mitaki. Taute fēfē e koe e mena ia?

MANATU KATOA

Ka fifili fakailoilo e tautolu e tau kapitiga, to fiafia a Iehova mo e to aoga ki a tautolu.

Liu Fakamanatu

• Ko e ha kua aoga ki a Iehova e tau kapitiga ne fifili e tautolu?

• Ko e vahega kapitiga fēfē kua lata a tautolu ke kalo kehe mai ai?

• Feaki fēfē e koe e tau kapitiga mitaki mo e tau tagata hako?

KUMI FOKI

Kitia e puhala he tau kapitiga hako ka lagomatai a tautolu he tau magaaho uka.

“Feaki e Tau Tuaga Kapitiga Malolō Ato Hoko Mai e Fakaotiaga” (Ko e Kolo Toko, Novema 2019)

Manamanatu ke he tau lakaaga aoga ka taute e koe ke moua e tau kapitiga mitaki.

“Moua Fēfē e Au e Tau Kapitiga Mitaki?” (Questions Young People Ask​—Answers That Work, Volume 1, veveheaga 8)

Ko e heigoa haau kua lata ke iloa ke he tau kapitiga he initanete?

Fakaaoga Fakailoilo e Social-Network (4:12)

He tala “Manako Lahi Au ke Fai Matua Taane,” moua e puhala ne maeke e taha tagata taane ke liu kumikumi e fifiliaga haana ke he tau kapitiga.

“Hiki he Tohi Tapu e Tau Momoui” (Ko e Kolo Toko, Aperila-Iuni 2012)