Puhala ke Malolo e Vagavagahau Fakapapale
1 Ko e taha kakano he kupu “vagavagahau” ko e “fakatutala mo e taha ke fakalagaa e tau gahua po ke tau manatu hana.” Ke fakatolomaki e malolo hau he fekafekauaga, lata ia koe ke omoi e malolo ke vagavagahau mo lautolu ne feleveia mo koe. (Gahua 17:2-4) Ka e maeke fefe ia koe ke fakapapale e gahua nei?
2 Na Kamata Mo e Manamanatuaga: He ako e koe e tau kupu moli he Tohi Tapu, to logona e koe e aoga ke manamanatu hifo ke he tau mena i ai. Ka ligaliga vihu e falu vala, ti fakaaoga e magaaho ke kumikumi e falu mena mo e manamanatu hifo ke he tau tali. Kumi ke mahino mitaki nakai ni e tau fakamaamaaga ne foaki ka e pihia foki e tau kakano mai he Tohi Tapu ke he tau fakamaamaaga ia.
3 Ne Putoia ke Tauteute ma e Fekafekauaga: Manamanatu la ko e puhala fe ka fakaaoga e koe ke fakamaama e kupu moli ke he tau tagata kehekehe. Taute taha huhu fakalagalaga ke fakagata aki e loto. Fifili e puhala ke fakamau aki e kupu he Tohi Tapu ti vagavagahau ki ai. Amaamanaki ke he ha huhu ka mafuta mai, ti manamanatu ke he puhala ke fakatutala ai. Fakamahao mai taha manatu he tohi ne kua mitaki ke fakalata ki ai.
4 Muitua ke he Fifitakiaga a Iesu: Fakatoka e Iesu e fifitakiaga mua atu he vagavagahau tonu mai ni he Tohi Tapu. Ke kitekite e puhala ne fakaako e ia, kikite la e fakamauaga ia Luka 10:25-37. Mailoga e puhala nei: (1) Fakatonu ke he Tohi Tapu e tau tali he tau huhu he tau tagata. (2) Uiina a lautolu ke talahau mai e manatu, ti fakaaue atu ka talahau e manatu lotomatala. (3) Kikite kua fakamahao e matutakiaga he huhu mo e kupu he Tohi Tapu. (4) Fakaaoga e taha fakatai ne talia he loto ke kitia kua maama moli e tali.—Kikite Mati 1, 1986, Watchtower, lau 27-8, paratafa 8-10.
5 Fakaaoga e Tohi ne Foaki ma Tautolu: Kua lomi e tohi Reasoning From the Scriptures ke takitaki tumau he gahua he fekafekauaga. Ko e tau fakafeleveiaaga i ai, tau tali ke he tau tutalaaga fa lauia, mo e tau vala ke vagavagahau ka lagomatai aki a tautolu ke malolo ke vagavagahau fakapapale. Kua uho lahi e tohi Reasoning ke takitaki tumau e tautolu he gahua he fekafekauaga mo e nakai tehatehaua ke fakaaoga ka fakatutala ke he Tohi Tapu. Liu fatiaki ke he lau 7-8 he tohi ke fakamahino e puhala ke fakaaoga fakamitaki ai.
6 He malolo a koe he vagavagahau fakapapale to fakatolomaki e iloilo hau he gahua fakamatala mo e fakaakoaga. To moua e koe e tau fakamonuinaaga mahuiaga ti pihia ni kia lautolu ne feleveia mo koe he gahua fekafekauaga.