Talahauaga Hagaao ke he Tau Mekasini

Ko e Kolo Toko Oke.-Tese.

“Kua feleveia a tautolu oti mo e mamahi he galo e tau fakahele ke he mate. He tau magaaho pihia, manatu nakai a koe to maeke e Tohi Tapu ke lagomatai? [Fakaatā ma e tali. Ti totou Salamo 55:22.] Kua fakatutala e mekasini nei ke he falu puhala aoga ke fahia ki ai ne fakamaama he Tohi Tapu.”

Awake! Oct.

“Kua nakai tatai e onoonoaga he tau tagata he tau lotu kehekehe ke he aga mooli he Atua. Ka e fakamaama fēfē he Tama he Atua a Ia? Mailoga e tau kupu ha Iesu ia Ioane 4:24. [Totou.] He ua ni e lau, kua fakakite he vala tala nei e manatu he Tohi Tapu ke he hūhū: ‘Ko e heigoa e aga he Atua?’” Fakakite e vala tala he lau 24 mo e 25.

Ko e Kolo Toko Oke.-Tese.

“Mukamuka lahi e tau pulega he tagata ke kaumahala he mailoga oti e tautolu. Ka ko e Atua, ko e ha mena ne finagalo e ia kua nakai kaumahala. [Totou Isaia 46:10.] Kua aoga ha ia mogoia, ke fakatatau e tau momoui ha tautolu mo e finagalo he Atua. Ko e vala tala ne kamata he lau 11 ne fakakite e puhala aoga lahi nei ma tautolu.”

Awake! Nov.

“Ne fa matutaki he tau tagata e kautūaga mo e talahaua, monuina, po ke malolō. To fakamaama fēfē e koe e kautūaga? [Fakaatā ma e tali.] Mailoga e tau mena kua takitaki ke he kautūaga ne talahau he Tohi Tapu. [Totou Salamo 1:1-3.] Kua fakamaama he vala tala nei ono e matapatu ke he kautūaga.” Fakakite e vala tala ne kamata he lau 6.