Kua Fakaaoga Nakai e Koe e Kili i Tua?

Ka lagaki he tau tagata e mekasini, fa mahani a lautolu ke ono ke he kili i mua ti mafiti ke fuluhi mo e ono ke he kili i tua. Ko e kili i tua he Ko e Kolo Toko he fufuta ma e fonua kua ha ha i ai e tau hūhū fakalagalaga loga mo e tau talahauaga fakalataha mo e tau numera he lau tohi ka moua ai e vala tala.

Maeke ia tautolu ke fakaaoga e vala nei ke moua e tau manatu mitaki ma e tau hūhū fakafeleveia ke kamata e fakatutala. Ka gahua tumau e fonua ha tautolu, maeke ia tautolu ke fakakehekehe e fakafeleveia he fakaaoga e tau hūhū kehekehe he mahina katoa. Ka lavelave e tagata he kaina maeke ia tautolu ke fakakū e fakafeleveia ha tautolu he fakakite taha he tau hūhū he kili i tua ti pehē, “Ka manako a koe ke iloa e tali, maeke ia au ke toka e tau mekasini nei mo koe, ti maeke ia taua ke tutala fakalaulahi atu ka fai magaaho a koe.” Maeke he falu tagata fakailoa ke kamata e tau fakatutalaaga he fakakite e kili i tua ke he tagata he kaina mo e uiina a ia ke fifili e hūhū ne fiafia a ia ki ai. Ti fakakite ki a lautolu e mena ke moua ai e tali ti totou e kupu tohi ne fitā he fakatoka. Liga maeke ia koe ke manamanatu ke he falu a puhala foki ke fakaaoga e kili i tua ke fakalagalaga e fiafia ke he Ko e Kolo Toko.