Manatu ke Liogi ma e Tau Kerisiano ne Favale ki Ai

Kua talahau tuai he Tohi Tapu to favale a Satani ki a tautolu he lali ke taofi e fekafekauaga ha tautolu. (Ioa 15:20; Fki 12:17) Maeke fēfē a tautolu ke lagomatai e tau Kerisiano ne fehagai mo e favaleaga he falu motu? Maeke a tautolu ke liogi ma lautolu. “Kua aoga lahi e liogi fakamakamaka he tagata tututonu.”​—Ia 5:16.

Ko e heigoa ha tautolu ka liogi hagaao ki ai? Maeke a tautolu ke ole ki a Iehova ke foaki ke he tau matakainaga ha tautolu e loto malolō mo e lagomatai a lautolu ke ua matakutaku. (Isa 41:10-13) Maeke foki a tautolu ke liogi ke talia he tau pule e gahua fakamatala, ke “nonofo a tautolu fakatekiteki mo e nakai fakaatukehe.”​—1Ti 2:1, 2.

Ko e magaaho ne favale ki a Paulo mo Peteru, ne liogi e tau Kerisiano he senetenari fakamua he totoku e tau higoa ha laua. (Gah 12:5; Rom 15:30, 31) Pete ka nakai iloa e tautolu e tau higoa ha lautolu oti ne favale ki ai mogonei, maeke nakai a tautolu ke liogi ma e fakapotopotoaga, motu, po ke matakavi ha lautolu?

Tohi hifo e tau motu ne manako a koe ke liogi ma e tau Kerisiano kua favale ki ai.