TAU TANAKIAGA HE KUPU HE ATUA | IEREMIA 51-52
Fakamooli e Kupu ha Iehova ke he Tau Vala Tala Oti
Hakotika e tau mena ne talahau tuai e Iehova ka tutupu he vahā i mua
Leoleo fanafiti he patuiki Peresia
“Kia kana . . . e tau fana ke kikila”
Ko e tau Metai mo e tau Peresia ko e tau tagata pulotu he fanafiti ti fakaaoga e fanafiti ko e matapatu kanavaakau tau ha lautolu. Ne kana e tau fana ha lautolu ke mahoka lahi mahaki
“Kua tiaki he tau toa i Papelonia e tau”
Pehē mai he Nabonidus Chronicle: “Kua nakai tau e kau ha Kuresa ke huhū atu ki Papelonia.” Liga kakano e mena nei kua nakai fai totokoaga, ti tatai tonu ke he perofetaaga ha Ieremia
Ko e Nabonidus Chronicle
“To eke foki a Papelonia mo tau tatanakiaga maka [ti] kua moumou tukulagi”
Kamata he 539 F.V.N., ne galo fakahaga e lilifu ha Papelonia. Amanaki a Alesana ne Mua ke taute a Papelonia mo maaga lahi haana, ka e mate fakaofo a ia. Kamataaga he vahā Kerisiano, fai matakau he tau Iutaia ne nonofo agaia i ai ti fai kakano e aposetolo ko Peteru ke aahi atu ki Papelonia. Ka e he senetenari ke fāaki V.N., malona e maaga ti galo tukulagi