Fofō e Rusia a Ukraine

He magaaho pogipogi kī ia Fepuari 24, 2022, ne kamata e feoho mai he matakau tau ha Rusia ke fofō a Ukraine pete e lali e tau takitaki he lalolagi ke ua hoko e felakutaki. Maeke fēfē e totokoaga fakakautau nei ke lauia e lalolagi? Ko e tohikupu lahi ha United States ko António Guterres ne pehē he tau aho gahoa kua mole: “Uka lahi mahaki ke manamanatu ke he matematekelea he tau tagata, moumouaga mo e malona e tau motu i Europa mo e puipuiaga he lalolagi.”

Ko e heigoa e aoga he tau mena tutupu tuga anei hagaao ke he Tohi Tapu?

• Talahau tuai e Iesu Keriso e magaaho “to laga e taha motu ke he taha motu, ko e taha kautu ke he taha kautu.” (Mataio 24:7) Totou e vala tala “Ko e Heigoa e Fakamailoga he ‘Tau Aho Fakahiku,’ po ke ‘Vahā he Fakahikuaga’?” ke kitia kua fakakite he Tohi Tapu ko e tau felakutaki he magaaho nei nukua fakamooli e perofetaaga ha Iesu.

• Ko e tohi ha Fakakiteaga he Tohi Tapu ne fakakite e latau ko e tagata ne heke he “solofanua kua kula” ti kua “uta kehe e mafola mai he lalolagi.” (Fakakiteaga 6:4) Totou e vala tala “Tokofā e Tagata Heke Solofanua​—Ko Hai a Lautolu?” ke iloa e puhala ne hagaao e perofetaaga ke he felakutaki he magaaho nei.

• Ko e tohi ha Tanielu ne talahau tuai e felatauaki he vahāloto he ‘patuiki he faahi tokelau’ mo e ‘patuiki he faahi toga.’ (Tanielu 11:25-45) Kitekite e vitiō Fulfilled Prophecy​—Daniel Chapter 11 ke iloa e kakano ko Rusia mo e tau kau haana kua fakakite ko e patuiki he faahi tokelau.a

• Fakamaama foki he Fakakiteaga ko e “tau ke he aho lahi he Atua mana.” (Fakakiteaga 16:14, 16) Ka e nakai ko e latau anei he tau motu tuga ne kitia e tautolu mogonei. Totou e vala tala “What Is the Battle of Armageddon?” ke iloa atu foki e tau vala tala ke he mena ka tupu i mua.

Ko e ha kua amaamanaki lahi a koe ke magaaho i mua?

• Pehē e Tohi Tapu to “fakahiku e ia [Atua] e tau ato hoko ke he fakatulakiaga he lalolagi.” (Salamo 46:9) Totou e vala tala “A Real Hope for a Better Tomorrow” ke iloa atu foki hagaao ke he vahā i mua ne mavehe mai he Atua.

• Fakaako e Iesu e tau tutaki haana ke liogi ke hoko mai e Kautu he Atua. (Mataio 6:9, 10) Ko e Kautu ia ko e fakatufono he lagi ka fakamooli e finagalo he Atua ma e lalolagi mo e to putoia he finagalo he Atua e mafola he lalolagi. Ke iloa e puhala ka aoga e Kautu ki a koe, kitekite e vitiō Ko e Heigoa e Kautu he Atua?

Molea e 129,000 he Tau Fakamoli a Iehova ne nonofo i Ukraine. Tuga ni e Tau Fakamoli ne nonofo he tau motu, fifitaki e lautolu a Iesu he fakatumau ke tuuho mo e nakai talia ke fai vala he felakutaki. (Ioane 18:36) Ko e Tau Fakamoli a Iehova he lalolagi katoa kua matutaki ke fakamatala e “tala mitaki nai he kautu” ko e tuluiaga ke he tau lekua he tau tagata, putoia ai e felakutaki. (Mataio 24:14) Uiina atu ki a koe ke matutaki ki a mautolu ke iloa atu foki hagaao ke he fekau he Tohi Tapu ke he amaamanakiaga.