Takitaki Fe ka Fifili e Koe?​—Ko e Heigoa ne Talahau he Tohi Tapu?

He tau faahi tapu gahoa i mua to fakahoko e viliaga he tau motu kehekehe he lalolagi katoa. Taute he tau tagata e tau fifiliaga uho hagaao ke he tau takitaki ka fifili e lautolu.

Ko e heigoa ne talahau he Tohi Tapu?

Fai fakakaupāaga e tau takitaki he tagata

Fakakite he Tohi Tapu e fakakaupā ha lautolu oti e tau takitaki.

•  “Aua neke tua a mutolu ke he tau iki, po ke fanau he tau tagata, nakai ha i ai ha fakamouiaga. Kua fina atu hana agaga, kua liu a ia ke he kelekele ne eke aki a ia, ko e aho ia ni kua mate ai hana tau manatu.”​—Salamo 146:3, 4.

To fakahiku ni ke mamate e tau takitaki lotomatala lahi. Lafi ki ai, nakai iloa mooli e lautolu na to matutaki atu he tau tagata ne mumui mai e tau gahua mitaki ha lautolu.​—Fakamatalaaga 2:18, 19.

Talahau mooli he Tohi Tapu kua nakai maeke he tau tagata ke takitaki a lautolu.

•  “Nakai ha ha he tagata kua fano ke fakatonu e mena ke fano a ia ki ai.”​—Ieremia 10:23.

Fai tagata nakai ke foaki e takitakiaga mitaki mogonei?

Ko e takitaki ne talia he Atua

Fakamaama he Tohi Tapu na kotofa he Atua e takitaki ne mua atu e lotomatala mo e mauokafua: ko Iesu Keriso. (Salamo 2:6) Ko Iesu e Patuiki he Kautu he Atua, ko e fakatufono kua pule mai he lagi.​—Mataio 6:10.

To fifili nakai a koe ke talia e takitakiaga ha Iesu? Fakamaama he Tohi Tapu e aoga he fifiliaga ia:

•  “Kia figita ā e Tama [Iesu Keriso] neke ita mai a ia, mo e mahaikava ai a mutolu ke he puhala; ha ko e mena tupu vave hana ita. Uhoaki a lautolu oti kana kua tua kia ia.”​—Salamo 2:12.

Ko e magaaho anei ke taute e fifiliaga haau. Fakakite he perofetaaga he Tohi Tapu kua kamata e pule ha Iesu he tau 1914 mo e to nakai leva ti hukui he Kautu he Atua e tau fakatufono oti he tagata.​—Tanielu 2:44.

Ke iloa atu foki ke he puhala ka lalago e koe e takitakiaga ha Iesu, totou e vala tala “Fifili ke Lalago e Kautu he Atua Mogonei!”