Ko e Atua Malolō Ue Atu Kia a Iesu?

Ko e tali he Tohi Tapu

Ne totoko e tau fī ha Iesu ki a ia he pehē kua lali a ia ke tatai mo e Atua. (Ioane 5:18; 10:30-33) Ka e nakai talahau e Iesu kua tatai a ia mo e Atua Malolō Ue Atu. Pehē a ia: “Mena mua haku a Matua ia au.”—Ioane 14:28.

Nakai onoono e tau tutaki fakamua atu ha Iesu kua tatai a ia mo e Atua Malolō Ue Atu. Ma e fakatai, ne tohi he aposetolo ko Paulo he magaaho ne mole e fakaliu tu mai ha Iesu, kua “fakamatalahi ai he Atua a ia [Iesu]” ke he tuaga tokoluga. Maaliali ai, ne nakai talitonu a Paulo ko Iesu ko e Atua Malolō Ue Atu. Ha ko e mena maeke fēfē e Atua ke fakamatalahi a Iesu ke he tuaga tokoluga?—Filipi 2:9.