Tau Feleveiaaga Fekafekau ma Sepetema

Fahi Tapu Kamata ia Sepetema 6

Lologo 190

10 minu: Tau fakailoaaga he matakavi. Fifili mai e Tau Fakailoaaga he Ha Tautolu a Fekafekauaga he Kautu.

17 minu: “Gahua Kia a Koe mo e Fai Kakano?” Fakakaupa e kamataaga ke ua molea e minuti, ti matutaki mo e tau huhu mo e tau tali. Putoia e tau manatu mai he tohi Our Ministry, lau 88-9. Fakamafana oti ke gahua tumau mo e fakatekiteki he fekafekauaga ha lautolu.

18 minu: “Tau Mamatua​—Fakatoka e Fakafifitakiaga Mitaki ma e Fanau ha Mutolu.” Kamata fakaku e motua, tutaki ke he vala tala he tau naga tane tokoua ko e tau mamatua. Tupetupe ke he levekiaga he tau fanau ha laua ha ko e tau mahani kelea ne fakatapakupaku aki a lautolu he aoga, he televisoni, mo e he tau magafaoa nakai ko e Fakamoli mo e falu atu foki. Matutaki atu ke he tau mahani nakai lilifu, tau manamanatu fakalalolagi mo e tauteuteaga, mo e tau mena fakafiafia nakai mitaki. He lata lahi ke fakatoka e fifitakiaga mitaki, tutala a laua he tau puhala ke ati hake e fiafia ma e fakaakoaga he magafaoa, tau fakapotopotoaga, mo e he fekafekauaga.​—Kikite e Kolo Toko, Iulai 1, 1999, lau 18-32, mo e Sepetema 22, 1991, Awake!, lau 8-9.

Lologo 101 mo e liogi fakaoti.

Fahi Tapu Kamata ia Sepetema 13

Lologo 171

10 minu: Tau fakailoaaga he matakavi. Fakailoaaga he tupe.

15 minu: Mafola Fefe e Tau Fekau ha Tautolu he Tau Kua Mole? Lauga he leveki fekafekau. Fakamatafeiga e tau fakailoaaga he fakapotopotoaga ke he gahua he fekafekauaga he tau 1999. Foaki e fakaaueina ma e tau mena ne taute. Fakamanatu e tau mena ke taute ke holo ki mua tuga e hokotaki he gahua fekafekauaga tumau mo e he mogo ne lata. Fakamahao kua fefe e toloaga he fakapotopotoaga ke he tau fakaakoaga Tohi Tapu. Fakatoka e tau foliga aoga ma e tau ka hau.

20 minu: “Ko e Heigoa Hau Ka Talahau ke he Tagata Hinitu?” Tau tali mo e tau huhu. Talahau kua mitaki fefe ke fakafelalo e manatu mo e taha tagata, ti kikite e puhala ne talia mo e Hinitu. Fakakite e puhala mai he tau fakataiaga na ke hikihiki ke lauia tonu mo e ha tagata ni he ha lotu kehe. Fakatata e fakataiaga ke fakamatala ke he Hinitu. Ma e ha fakailoaaga foki ke he lotu Hinitu, kikite e uho he Fepuari 1998 Ha Tautolu a Fekafekauaga he Kautu; tohi Reasoning, lau 22; mo e Mankind’s Search for God, veveheaga 5.

Lologo 140 mo e liogi fakaoti.

Fahi Tapu Kamata ia Sepetema 20

Lologo 193

12 minu: Tau fakailoaaga he matakavi mo e tau talahauaga mai he fekafekauaga.

15 minu: Tau mena kua lata mo e fakapotopotoaga.

18 minu: Fakaaoga Fakamitaki e Tohi Creator. Lauga mo e tau fakataiaga. Fakamaama mai he Aperila 1999 he Ha Tautolu a Fekafekauaga he Kautu ke foaki e tohi Creator he ha magaaho ni ka feleveia a tautolu mo e tau tagata ne (1) nakai talitonu ke he Atua po ke (2) talitonu ke he Atua ka e nakai iloa moli a ia po ke tau mahani mo e tau finagalo hana. Ko e tau huhu mo e tau manatu fakaohooho i tua he kili he tohi kia fakaaoga ke fakalagalaga ke totou e tohi. Po ke fakaaoga fakamitaki e lau 152. Maeke he tagata fakailoa ke pehe: “Moua mai fe e tautolu e tonuaga moli ke tali aki e tau mena ne vihu mo tautolu?” Fakakite ki a ia e tokologa he tau tagata talahaua ne fakaheke e Lauga he Mouga ha Iesu, ole a ia ke fifili taha lauga mai he fitu ne lautonu mo ia, ti totou e falu kupu ne totoku. Fakatata ua e puhala ke foaki e tohi Creator, mo e totoku foki e mena fakaalofa ke he tau fakataiaga takitaha. Fakamafana oti ke takitaki e tohi he fekafekauaga, ke mautali ke foaki he ha magaaho ne lata.

Lologo 175 mo e liogi fakaoti.

Fahi Tapu Kamata ia Sepetema 27

Lologo 141

15 minu: Tau fakailoaaga he matakavi. Fakamanatu e tau tagata fakailoa ke tuku e tau hokotaki he fekafekauaga ma Sepetema. Fakamafana oti ke tauteute e tau fakatokaaga ke gahua fakalataha ke tufa e tau mekasini ia Oketopa. Liu tutala e falu puhala tohia he Oketopa 1996 Our Kingdom Ministry, lau 8, he taute he tau fakataiaga. He fakaaoga e tau mekasini fou, totoku e falu mena mitaki ke fakatutala ti fakatata taha po ke ua e fakataiaga fakaku. Fakakite e puhala ke totoku e mena fakaalofa ke he tagata he fale.

15 minu: Puha Huhu. Lauga he motua.

15 minu: “Laulahi Fakahaga e Tapuakiaga Moli i Europa Uta.” Taute he motua e tau tali mo e tau huhu. Totoku e tau gahua po ke fakamoliaga he malikiti he tau motu ne hukui, ne fakailoa mai he tau Yearbook ne kito mai.

Lologo 87 mo e liogi fakaoti.

Tau Fakailoaaga

◼ Tohi foaki ma Sepetema: Iloilo ne Takitaki Atu ke he Moui Tukulagi. Oketopa: Tau lagaki takitaha he Kolo Toko mo e Awake! He moua e tagata ne fiafia ka liu aahi atu, ti foaki e ota mekasini fakahu. Novema: Ko e Heigoa e Manako he Atua ma Tautolu? po ke Iloilo ne Takitaki Atu ke he Moui Tukulagi. Tesemo: Iloilo ne Takitaki Atu ke he Moui Tukulagi mo e New World Translation. (Ka ai fai ti fakaaoga e tohi: Greatest Man.)

◼ Kia lautolu ne manako ke foaki e mena fakaalofa ke he gahua he Sosaiete he puhala fakahu tupe po ke puhala telefoni fakahu tupe, kua lata ke tohi ke he Sosaiete mo e manako ia. Aua nimo ke tuku hifo e higoa mo e kaina hau.

◼ He fonua, fa feleveia a koe mo e taha ne teligatuli. Kaeke fai kau vagahau matalima po ke ha fakapotopotoaga pihia he matakavi hau, lata ia koe ke fakaaoga e fakatonuaga ne tohi he Sosaiete ia Oketopa 15, 1998, ke he tau fakapotopotoaga oti i Niu Silani. Ne talahau: “Ko e lau Please Follow Up ka fakaaoga ke fakakite aki e tau tagata, pete kua fai he matakavi he fakapotopotoaga hau po ke nakai, ne vagahau ha vagahau kehe, putoia foki ke he vagahau matalima. Fa mahani, na fakaaoga e mena nei nakai ni kua ai fiafia e tagata ke he fekau he Kautu. . . . Ka oti he fakapuke e lau Please Follow Up, lata ke age fakahako ke he tohikupu he fakapotopotoaga po ke tuku he puha he gahua he hokotaki fonua he Fale he Kautu.” Ka fakakaukau e tau tagata fakailoa takitaha ke gahua auloa pehenei, to maeke e tau fakapotopotoaga mo e matakau vagahau matalima ke fakaputu e tau kaina he tau tagata teligatuli he tau matakavi ha lautolu.

◼ Ko e leveki he fakapotopotoaga po ke taha ne fifili e ia ka tivi e tau fakamauaga tupe he fakapotopotoaga ia Sepetema 1 po ke taute tuai ai. Fakailoa ke he fakapotopotoaga e mena nei ka liu totou e fakailoaaga tupe.

◼ Ne fakamanatu ke he tau motua ke muitua ke he tau fakaakoaga ne mai he lau tohi 15-7, Kolo Toko, Me 1, 1991, hagaao ki a lautolu ne tuku ki tua po ke ne kua fakaoti e fakalataha ke he fakapotopotoaga ne liga manako ke liu fakalataha mai.

◼ Kia lautolu ne fakalataha mo e fakapotopotoaga kua lata ke fakafano e tau ota mekasini fou mo e ka fakafou he Kolo Toko mo e Awake!, pihia mo e tau ota mekasini fakahu fakatagata, atu he fakapotopotoaga.

◼ Nakai fakapuke he Sosaiete e ole tohi he tau tagata fakailoa takitaha. Kua lata e leveki he fakapotopotoaga he fakailoa ke he fakapotopotoaga he tau mahina takitaha ato fakahu e ole tohi ke he Sosaiete, ke fakata a lautolu ne manako ha tohi ma lautolu ni ke fakatonu atu ke he matakainaga ne leveki e tau tohi. Fakamolemole kia tokaloto e tau tohi ne nakai fa ole tumau.

◼ Kua moli e fakamonuinaaga ki a lautolu ne o atu ke he Tau Fonoaga Fahimotu mo e Lalolagi Katoa he “Moui he Puhala he Atua” he 1998. Fakalataha mo lautolu ia ne ha ha i ai ko e 2,764 he tau misionare mo e tau fekafekau ke he tau motu kehe ne kua maeke ke liliu aahi atu ke he tau motu kaina ha lautolu ha ko e tau lima fakamakai mai he tau fakapotopotoaga. Ko e fakatokaaga he lagomataiaga nei kua fakaaue fakalahi. He fakahikuaga he tau fonoaga nei, ko e tau mena fakaalofa ne toe mai he fekau nei to fakaaoga ke lagomatai aki e gahua fakamatala he lalolagi katoa.

◼ He tolu e aho he tau fonoaga fahimotu ke he tau nei, kia nakai fakato e Fakaakoaga Tohi he Fakapotopotoaga he fahitapu he fonoaga.

Hokotaki he Fekafekau ia Iuni

Ave. Ave. Ave. Liu Ave. Fkako.

Numera he: Tula. Meka. Ahi. T/Tapu

Paio. Pau. 8 136.3 146.8 68.9 5.0

Paio. 739 61.8 42.4 23.9 1.8

Paio. Fku. 414 50.4 34.7 17.6 1.2

Tgt. Fkiloa. 11,331 8.8 7.8 3.8 0.3

KATOA 12,492 Papatiso: 28

Paio. Paio. Tgt.

Motu Pau. Paio. Fku. Fkiloa. Katoa

Ae. Kuki – 10 8 124 142

Ae. Niue – 1 – 23 24

Ae. Nofoko – – – 21 21