Tau Fakailoaaga

◼ Tau tohi foaki ma Ianuari: Ko e Heigoa e Manako he Atua ma Tautolu? Fepuari: Ko e tohi fou Fakatata Atu ki a Iehova ka fakaaoga. Mati: Iloilo ne Takitaki Atu ke he Moui Tukulagi. Lali pauaki ke kamata e tau fakaako Tohi Tapu. Aperila mo Me: Tau mekasini Ko e Kolo Toko mo e Awake! Ka moua e tagata fiafia he tau liu ahi atu, lafi e tagata ia ke he hau a fakaholoaga mekasini.

◼ Kamata ia Fepuari, mo e ato hoko a Mati 2, ko e lauga fou ke he toloaga ma e tau leveki takaiaga ko e “Fakahaoaga Mai he Lalolagi Pouligia.”

◼ Kua lata e tau fakapotopotoaga ke taute e tau fakatokaaga kua latatonu ke fakahoko ai e Fakamanatuaga he tau nei he Aho Lotu, Aperila 16, ka mole e toaga la. Pete ni ka kamata tuai e lauga, ko e uta viko he tau mena fakatai kua nakai lata ke kamata ato mole e toaga la. Fakakia atu ke he tau tagata he matakavi ke iloa tonu ko e magaaho fe e toaga la he matakavi ha mutolu. Ko e tau fakapotopotoaga ne fakaaoga auloa e Fale he Kautu, liga taha po ke loga e fakapotopotoaga ka kumi ke fakaaoga falu fale kehe he afiafi ia. Ka maeke, to ole a mautolu ke fakaata kavi ke 40 e minuti he vahaloto he tau fakaholoaga ke maeke he tau tagata oti ke aoga katoatoa mai he fakalatahaaga ia. Kia manamanatu ke he holoaga mo e tutuaga he tau peleoafi, pihia foki he tamai po ke uta he tau tagata. Ko e kau he tau motua kua lata ke fifili e tau fakatokaaga kua latatonu ma e fakapotopotoaga.

◼ Kamata mai he fufuta nai, to nakai liu tohia e tau tohi fou kua moua ke he Ha Tautolu a Fekafekauaga he Kautu. Ko e “Fakailoaaga ke he Tau Fakapotopotoaga Oti,” mo e tau vala tala ia to matutaki ke fakahu atu ke he tau fakapotopotoaga oti he tau mahina takitaha. Ke fakamanatu atu, ka moua e “Fakailoaaga ke he Tau Fakapotopotoaga Oti” kua lata ke fakailoa ka taute e Feleveiaaga Fekafekau ka hau hagaao ke he tau koloa ia ka liga lata mo e fakapotopotoaga ha mutolu. Ko e fakailoaaga mogoia kua maeke ke tau hake he lapa fakailoa. Ka oti, ko e fekafekau leveki tohi kua lata ke tuku he fakamauaga tohi hana.

◼ Tau tagata fakailoa oti kua papatiso ka o mai ke he Feleveiaaga Fekafekau he fahi tapu ia Fepuari 3 kua maeke ke moua e laupepa Advance Medical Directive/Release mo e Identity Card ma e fanau ha lautolu.

Lata a Koe ke Kitekite e Vitio No Blood​—Medicine Meets the Challenge

Lahi fefe e iloaaga hau ke he tau puhala kehekehe he tau vai tului gagao ne nakai fakaaoga e toto? Kua maama nakai ia koe, na ko e heigoa foki falu puhala fagai vai mo e gahuahua fefe e tau mena ia? Kitekite e vitio nei, ti kamatamata e iloilo hau aki e tau huhu nai kua mumui mai.​—Mailoga: Ha kua putoia ke he vitio e falu gahua iihi, kua lata e tau mamatua ke fakalotomatala ka kitekite e vitio nai mo e tau fanau ikiiki.

(1) Ko e heigoa e matapatu kakano ati nakai talia he Tau Fakamoli a Iehova e fagai toto, mo e moua e fakaakoaga ia he mena fe i loto he Tohi Tapu? (2) Ka hoko ke he tuluiaga fakaekekafo, ko e heigoa e manako ha tautolu? (3) Ko e heigoa e tau tonuhia pauaki he tau tagata gagao? (4) Ko e ha kua fai kakano mo e fai fakalagoaga ke nakai talia e fagai toto? (5) Magaaho ka lahi e toto ka galo, ko e heigoa e tau mena ua fakamua he tau ekekafo ka taute? (6) Ko e heigoa e tau hagahagakelea ke he malolo tino kua putoia ai ke he fagai toto? (7) Ko e heigoa falu koloa kua maeke e tau ekekafo iihi ke fakaaoga ke fakatote hifo e galo he toto he magaaho ka iihi ai? (8) Ko e heigoa hau ne manako ke iloa hagaao ke he falu puhala he fagai vai ka e nakai fai toto? (9) Maeke nakai ke taute e tau ihiihi hagahagakelea mo e hala vihu ka e nakai fakaaoga e toto? (10) Ko e heigoa he tau ekekafo tokologa kua fiafia ke taute ma e Tau Fakamoli a Iehova, mo e ko e heigoa ka liga fakahiku ki ai ke eke mo tuaga ke leveki aki e tau tagata gagao oti?

Nakai noa to lagomatai lahi ka kitekite ke he vitio No Blood mo e ha tagata fakaako Tohi Tapu, mo lautolu e tau hoa po ke tau magafaoa ne nakai ko e tau Fakamoli, tau kapitiga gahua, tau faiaoga, mo e tau kapitiga aoga kaeke kua huhu mai hagaao ke he ha tautolu a tuaga ke he toto. Ke talia e ha tuluiaga nukua fakakite mai he vitio nai, ko e fifiliaga fakamoli he tagata ni a ia.​—Kikite “Tau Huhu Mai he Tau Tagata Totou” he The Watchtower ia Iuni 15, 2000 mo e Ko e Kolo Toko ia Novema 1, 2000.

Tau Fakataitaiaga ne Fakakite ma e Fakatata Atu ki a Iehova

◼ Mo e Tohi Tapu ha he lima, pehe: “Tokologa e tau tagata talitonu ke he Atua kua manako ke logona e tata lahi ki a ia. Iloa nakai e koe na uiina he Atua a tautolu ke fakatata atu ki a ia? [Totou Iakopo 4:8.] Ne talaga e tohi nai ke lagomatai e tau tagata ke fakaaoga e Tohi Tapu ha lautolu ni ke fakatata atu ke he Atua.” Totou e paratafa 1 he lau 16.

◼ Mo e Tohi Tapu ha he lima, pehe: “Kua tupu lahi e nakai fakafili tonu he vaha nai. Kua tuga ni ne fakakite mai he tohi nai. [Totou Fakamatalaaga 8:9e.] Tokologa ne manamanatu na fakaalofa moli nakai e Atua. [Totou e tau matakupu ua fakamua he paratafa 4 he lau 119.] Fakamaama mai he veveheaga nai ko e ha ati fai magaaho ne fakaata he Atua e nakai fakafili tonu.”

Hokotaki he Fekafekau ia Oketopa

Ave. Ave. Ave. Liu Ave. Fkako.

Numera he: Tula. Meka. Ahi. T/Tapu

Paio. Pau. 9 109.8 134.1 51.2 3.3

Paio. 730 65.1 54.5 26.7 1.9

Paio. Fku. 232 51.2 47.1 19.2 1.3

Tgt. Fkiloa. 11,525 8.6 9.9 4.1 0.3

KATOA 12,496 Papatiso: 169

Paio. Paio. Tgt.

Motu Pau. Paio. Fku. Fkiloa. Katoa

Ae. Kuki 2 11  4 132 149

Ae. Niue 2 1  1 23 27

Ae. Nofoko – –  – 15 15

Tonga 7 13 4 146 170