9:1-23; 10:11. Ha ko e haana fakatokolalo, mahani Atua fakamooli, fakamakai, mo e fakamakamaka ke he liogi, ati “ofania lahi” ai a Tanielu. Ko e tau aga tonu nei ne lagomatai foki a ia ke tumau e tua fakamooli ke he Atua ke hoko ke he fakaotiaga he moui haana. Kia eketaha a tautolu ke mumuitua ke he fakafifitakiaga ha Tanielu.

9:17-19. Pete ni kua liogi a tautolu ke hoko mai e lalolagi foou he Atua, ka “nofo ai e tututonu,” nakai kia lata ke eke mo matapatu manatu ha tautolu ke fakatapu e higoa ha Iehova mo e fakatokoluga e pule katoatoa haana ka e nakai ke fakaoti e tau matematekelea mo e tau mena vihi fakatagata ha tautolu?​—2 Peteru 3:13.

To Fakafeleveia Nakai e Koe e Tagata Ahiahi?

He pihia foki he lalolagi matematekelea nei, kua maeke ia koe ke moua e fiafia lahi mai he iloilo mooli he Tohi Tapu he Atua, haana Kautu, mo e haana finagalo homo ue atu ma e tau tagata oti. Kaeke kua manako a koe ke fakafeleveia mo e falu foki a fakamaamaaga po ke manako ke fai tagata ke aahi atu ke taute e fakaakoaga Tohi Tapu nakai fai totogi, fakamolemole tohi atu ke he Jehovah’s Witnesses, PO Box 75142, Manurewa, Manukau 2243, New Zealand, po ke ke he kaina kua lata he lau tohi 2.