“Tau Puhala ke Foaki e Tau Mekasini ia . . . “

Kua aga tumau a tautolu he tau mahina takitaha mo e vala he Feleveiaaga Fekafekau ke foaki e tau mekasini. Kua nakai kakano ke liu kitekite ke he tau vala i loto he tau mekasini. Ka ko e vala nei kua taute ke fakatutala ke he tau puhala ke foaki aki e tau mekasini. Ko e mena ia, hagaao ke he tau fakatonuaga, ko e matakainaga kua kotofa ke taute e vala nei ka taute e talahauaga kū lahi he kamataaga ke fakalagalaga e fiafia ke he tau mekasini. Ti moua e ia e tau manatu ke he tau vala tala takitaha (po ke fufuta) mai he tau tagata fakailoa, ke maeke ia lautolu oti ke mumuitua mo e mailoga e tau puhala kua manako a lautolu ke fakaaoga. Ka e ua uiina e toloaga ke fakakite e puhala katoa ka foaki ai, ka e uiina ke moua falu manatu ke he hūhū fakalagalaga kua lata ke hūhū ti ole ke talahau falu manatu hagaao ke he kupu tohi ka totou. To fakaoti e ia he taute e fakatātāaga ma e tau mekasini takitaha. Kua fakamafana ki a tautolu ke kitekite tuai ke he tau mekasini mo e mautali ke talahau ha tautolu a tau manatu. Ka tauteute fakamitaki tuai e tautolu oti, to lagomatai he vala nei a tautolu ke fakamalolō e taha mo e taha.​—Fakatai 27:17.