Ko e Heigoa Haau ka Taute he Tau Aho Okioki?

Ha kua tokologa e tau tagata kua nonofo he tau kaina he tau aho fakalotu mo e tau aho okioki he motu, kua fa mitaki e tau aho pehēnei ma tautolu ke fakalataha ke he gahua he fonua. Kua fakamafana ke he tau fakapotopotoaga ke taute e tau fakaholoaga pauaki ke fakamatala he tau aho okioki. Kaeke ke tokologa e tau tagata he fonua ka momohe loloa, kua mitaki ke hikihiki e magaaho ma e feleveiaaga he gahua he fonua. Liga fakailoa ai he mogo he Feleveiaaga Fekafekau ke iloa he fakapotopotoaga e ha fakaholoaga pauaki ke fakamatala he tau aho okioki mo e fakamafana a lautolu oti kua maeke, ke fakalataha atu ki ai. Ka e mooli, kua maeke foki ia tautolu ke moua taha magaaho ke okioki po ke taute e tau fekau fakatagata. Ka e he ha he fakatoka taha vala he aho ke gahua he fonua? To fiafia mogoia a koe ke he okiokiaga ne moua mai he fakalataha ke he gahua tapu.​—Mata. 11:29, 30.