Fakatolomaki ki Mua e Lotomatala ha Tautolu he Fekafekauaga​—Tali Atu ke he Tagata he Kaina ne Ita

Kakano kua Aoga Ai: Tokologa ne feleveia mo tautolu he gahua he fonua kua totonu. Ka e talahau tuai e Iesu to vihiatia he falu tagata a tautolu. (Ioane 17:14) Ti kua lata ke nakai ofo a tautolu ka fakataupā a tautolu mo e tagata he kaina ne ita. Ka tupu e mena nei, manako a tautolu ke tali he puhala kua fakafiafia a Ia ne hukui e tautolu, ko Iehova. (Roma 12:17-21; 1 Pete. 3:15) He taute pihia to liga puipui e tuaga neke kelea lahi. To eke foki mo fakamatala ke he tagata he kaina mo e ha tagata kitekite he fakaohooho a lautolu ke fanogonogo he taha mogo ka ahiahi atu e Tau Fakamoli a Iehova.​—2 Kori. 6:3.