HŪHŪ 2
Maeke Fēfē a Koe ke Fakaako Hagaao ke he Atua?
“Nakai uta kehe mo e gutu hau e tohi he fakatufono nai, ka kia manamanatu ai a koe ke he aho katoa mo e po, kia taofi e koe ke eke ai ke lata mo e tau mena oti kua tohi ai; ti monuina a koe ke he tau puhala oti ke fano ai a koe, ti monuina ai ni.”
“Ti totou fakatekiteki ai e lautolu ke he tohi ke he fakatufono he Atua, mo e fakakite atu ai e lautolu e alito, ti maama ai e tau tagata ke he tau mena ne totou.”
“Uhoaki e tagata kua nakai fano ke he pulega he tau tagata mahani kelea, . . . ka ko e fakatufono a Iehova kua fiafia ai a ia, ti manamanatu a ia ke he tau fakatufono hana ke he aho katoa mo e po. . . . To monuina foki a ia ke he tau mena oti kana ke eke e ia.”
“Ati poi atu ai a Filipo, kua fanogonogo atu kia ia ha ne totou Isaia ko e perofeta; ati pehe atu ai a ia, Kua maama nakai kia koe e tau mena kua totou ai e koe? Kua tala mai a ia, To maeke fefe e au, ka nakai fakakite mai e taha kia au?”
“Ko e hana tau mena kua nakai kitia, tali mai he vaha ne eke e lalolagi, kua kitia ia he manamanatu e tau mena ne eke, ko e hana mana haia kua tukulagi, mo e hana Atua; ko e mena foki ia kua nakai fai kupu a lautolu ke tali atu ai.”
“Kia manamanatu a koe ke he tau mena na, kia fakamahani a koe ki ai; kia kitia ai he tau tagata oti hāu a mafiti.”
“Kia manatu foki a tautolu ko e taha ke he taha, ke fakalagalaga ai e fakaalofa mo e tau gahua mitaki; Aua neke tiaki e fakapotopotoaga ha tautolu.”
“Kaeke ha ha ia mutolu taha kua nakai fai iloilo, kia ole atu a ia ke he Atua; ko ia kua foaki mai mo e totonu ke he tau tagata oti mo e nakai tauage; ti foaki mai ai kia ia.”