HŪHŪ 6
Ko e Heigoa ne Talahau Tuai he Tohi Tapu Hagaao ke he Mesia?
PEROFETAAGA
“Ko koe, Petelehema-Efarata na e, . . . to tupu mai ia koe taha māku ke eke mo Pule kia Isaraela.”
FAKAMOOLIAGA
“Ne fanau a Iesu i Petelehema i Iutaia ke he vaha ia Herota e patuiki, kitiala, ko e tau makoi mai he fahi uta kua hohoko mai ki Ierusalema.”
PEROFETAAGA
“Kua tufatufa e lautolu haku tau tapulu ma lautolu, ti kua eke e lautolu e vili ke he haku a tapulu tino.”
FAKAMOOLIAGA
“Kua oti he fakasatauro e lautolu a Iesu, ati uta ai he kau hana tau tapulu kua vevehe fa, . . . ka e nakai tuitui e tapulu he tino, kua lalaga katoatoa kua kamata ke he potu ki luga. Ati vagavagahau ai a lautolu, Aua neke hēhē ai e tautolu, ka e vili e tautolu, po ko hai ka eke māna.”
PEROFETAAGA
“To leoleo e ia hana tau huimotua oti kana, nakai emo ke fati taha.”
FAKAMOOLIAGA
“Ka kua hoko a lautolu kia Iesu, kua kitia e lautolu kua matulei tuai a ia, ati nakai pakipaki ai hana tau ve.”
PEROFETAAGA
“Kua tuina a ia ha ko e tau holifono ha tautolu.”
FAKAMOOLIAGA
“Ko e taha tagata tau kua hoka e ia hana kahokaho ke he tao; ati hau ai agataha e toto mo e vai.”
PEROFETAAGA
“Ti fafati mai ai e lautolu haku a palepale, ko e tolugofulu e tupe.”
FAKAMOOLIAGA
“Ti fano ai e taha he tokohogofulu ma ua ne higoa ko Iuta Isakariota, ke he tau ekepoa ne mua. Kua pehe age ki ai, Ko heigoa e mena ke ta mai e mutolu māku, ka e afo e au a ia kia mutolu? ati fafati ai e lautolu kia ia e tau tupe ne tolugofulu.”