-
Hūhū 13: Ko e Heigoa ne Talahau he Tohi Tapu Hagaao ke he Gahua?Hafagiaga ke he Kupu he Atua
-
-
HŪHŪ 13
Ko e Heigoa ne Talahau he Tohi Tapu Hagaao ke he Gahua?
“Kua kitia kia e koe e tagata mafiti ke he hana tau gahua? to tu a ia ki mua he tau patuiki, nakai tu a ia ki mua he tau lalo tagata.”
“Ko e tagata kaiha aua neke liu kaiha foki, ka e mitaki ke fakamalolo a ia ke gahua ke he tau lima hana ke he mena mitaki, kia moua e ia e falu a mena ke age kia ia kua nofogati.”
“Kia takitaha e tagata mo e kai, mo e inu, mo e fiafia ai ke he tau mena mitaki he hana tau gahua oti; ko e mena kua foaki mai he Atua haia.”
-
-
Hūhū 14: Fakaaoga Fēfē e Koe e Tau Koloa Haau?Hafagiaga ke he Kupu he Atua
-
-
HŪHŪ 14
Fakaaoga Fēfē e Koe e Tau Koloa Haau?
“Ko ia kua manako ke he tau mena fakafiafia, to eke a ia mo tagata nofogati, ko ia kua manako ke he uaina mo e puke lolo, nakai maukoloa ai a ia.”
“Ko ia foki ne ogo mena kua eke a ia mo fekafekau kia ia ne ta age hana tau mena kia ia.”
“Ti kai ai a lautolu, kua mamakona oti ni; ti uta foki ha lautolu a tau valavala mena ne toe, hogofulu ma ua ni e kato.”
“Ha ko hai taha ia mutolu kua manako ke ati e kolo, ka e nakai nofo fakamua ki lalo ke totou e tau tupe ke palepale aki, po kua lahi nakai ia ia e tau mena ke fakaoti ai? Neke va mai kia ia e tau tagata oti ka mamata ai, he toka e fakave, ka e nakai maeke ke fakaoti ai, kua pehe mai, Ko e tagata a ena, ne kamata ke eke, ka e nakai maeke ke fakaoti.”
-
-
Hūhū 15: Moua Fēfē e Koe e Fiafia?Hafagiaga ke he Kupu he Atua
-
-
HŪHŪ 15
Moua Fēfē e Koe e Fiafia?
“Kua mua e mitaki e tufaaga he tau lakau kai, ne age mo e fakaalofa, ke he povi mai he fale povi ne age mo e fakavihia.”
“Ko au ko Iehova, ko e hau a Atua, kua fakaako atu kia koe ke he tau mena ke aoga ai, kua takitaki e ia a koe ke he puhala ke fano ai a koe.”
“Kua tohi, Nakai ko e tau mena kai hokoia ke moui ai ha tagata, ka ko e tau kupu oti ne to mai he fofoga he Atua.”
“Kia fakaalofa atu a koe kia ia ne katofia a mua, kia tuga foki na koe kia koe.”
“Tuga ne loto a mutolu kia eke he tau tagata kia mutolu, kia eke pihia foki e mutolu kia lautolu.”
“Mua e monuina he tau tagata ka fanogonogo ke he kupu he Atua mo e omaoma ki ai.”
“Ha ko e mena nakai moui taha he loga hana tau mena ha i ai.”
“Kaeke kua moua e tautolu e tau mena kai, mo e tau mena ke fakatapulu ai, to lata ia kia tautolu.”
“Kua mua e monuina hana ke foaki atu, ke he monuina hana ke talia mai.”
-
-
Hūhū 16: Fehagai Fēfē a Koe mo e Fakaatukehe?Hafagiaga ke he Kupu he Atua
-
-
HŪHŪ 16
Fehagai Fēfē a Koe mo e Fakaatukehe?
“Kia tuku atu kia Iehova e tau mena ne fakaatukehe ai a koe; ko ia ni ke fakamalolo a koe; nakai tuku e ia tukulagi e tau tagata tututonu ke fagahuatia.”
“Ko e tau manatu he tagata ne malolo ke gahua kua hiku ia ke he muhu mena; ka ko lautolu kua fakatepetepe, kua fakatepetepe atu ni ke he nofogati hokoia.”
“Ua matakutaku a koe, ha kua fakalataha au mo koe; aua neke kitekite fano a koe, ha ko au ko e hau a Atua; kua fakamalolo e au a koe; ko e moli, kua lagomatai au kia koe; ko e moli, kua taofi e au a koe ke he haku a lima matau ne ha i ai e mahani tututonu.”
“Ko hai kia taha ia mutolu ke maeke ia ia he hana fakaatukehe ke fakaloa hana moui ke he kupita taha?”
“Hanai, aua neke fakaatukehe a mutolu ke he aho a pogipogi; ha ko e mena fakaatukehe e aho a pogipogi ke he hana tau mena. Lata ke he aho hana kelea ni.”
“Hanai, a mutolu kia o fakalaulau a mutolu; nakai tuga ne tau tagata goagoa ka kia tuga e tau tagata iloilo. Kia fakaaoga e mutolu e tau aho he mouiaga nai, ha kua kelea e tau aho ainei.”
“Aua neke fakaatukehe a mutolu ke he taha mena taha; ka kia fakailoa atu ke he Atua e tau manako ha mutolu ke he tau mena oti kana ke he liogi, mo e ole, katoa mo e fakaaue. Ko e monuina foki mai he Atua kua mua ue atu ke he tau mena oti kua manamanatu ki ai, to leveki ai e tau loto ha mutolu, katoa mo e tau manatu ha mutolu kia Keriso Iesu.”
-
-
Hūhū 17: Lagomatai Fēfē he Tohi Tapu e Magafaoa Haau?Hafagiaga ke he Kupu he Atua
-
-
HŪHŪ 17
Lagomatai Fēfē he Tohi Tapu e Magafaoa Haau?
TAU TAANE/TAU MATUA TAANE
“Kua lata pihia foki ke he tau tane ke fakaalofa age ke he tau hoana ha lautolu, tuga e tau tino ha lautolu. Ko ia kua fakaalofa ke he hana hoana, kua fakaalofa a ia kia ia ni. Ha kua nakai fakai taha ke fakavihia hana a tino, ka kua fagai mo e leveki ai e ia, . . . Kia takitokotaha a mutolu gotoa mo e fakaalofa atu ke he hana hoana, tuga e fakaalofa a ia kia ia ni; ka ko e fifine kia fakalilifu a ia ke he hana tane.”
“Ko mutolu foki, ko e tau matua tane, aua neke fakahogohogomanava ke he fanau ha mutolu, ka kia leveki ai ke he tau kupu akonaki mo e tau kupu fakamafana he Iki [Iehova].”
TAU HOANA
“Ko e fifine kia fakalilifu a ia ke he hana tane.”
“Ko mutolu, e tau fifine, kia omaoma a mutolu ke he ha mutolu a tau tane, tuga ne mena kua lata ha ha he Iki.”
TAU FANAU
“Ko mutolu na, ko e tau fanau, kia omaoma ke he tau matua ha mutolu ke he Iki, ha ko e mena tonu ni haia. Kia fakalilifu a koe ke he hau a matua tane, mo e hau a matua fifine, (ha ko e fakatufono fakamua haia ha ha i ai e talahauaga;) Kia mitaki ai a koe, kia fakatuleva e tau aho hau ke nofo ai a koe ki luga he kelekele.”
“Ko mutolu e tau fanau, kia fanogonogo a mutolu ke he tau matua ha mutolu ke he tau mena oti; ha ko e mena mitaki ia ha ha he Iki.”
-