‘Ō Fano ke he Tua, Nakai ke he Tau Mena ne Kitia’

Nakai leva to pātakai mo e moumou a Ierusalema he magaaho fakamui, ne tohi he aposetolo ko Paulo ko e tau Kerisiano, ko e tau tagata tau mitaki he Keriso kua lata ke amanaki to tutupu e tau mena uka mo e nakai tuku fakamua e tau tokotoko mitaki mo e fiafia ni ha lautolu. (2 Timo. 2:3, 4) Ha kua tupu lahi mahaki e matematekelea he lalolagi nei ne nakai mahani Atua, lata a tautolu ke malolō e tua ke fakatumau ke hagaaki a tautolu ke he tau mena fakaagaaga. (2 Kori. 4:18; 5:7) Kitekite e vitiō “Walk by Faith, Not by Sight.” (Fano ke he jw.org vagahau Peritania, onoono ki lalo he PUBLICATIONS > VIDEOS.) Mailoga ko e pipiki lahi mahaki ke he tau koloa he tino ko e matahele hagahaga kelea lahi ki a Naama mo Apitala. Ti manamanatu mogoia ke he tau hūhū nā.

(1) Ko e heigoa e “mena vihiatia . . . kua tu ke he mena tapu” he senetenari fakamua, mo e ko e heigoa e fifiliaga tonu ne lata ke taute he tau Kerisiano ne nonofo i Ierusalema? (Mata. 24:15, 16) (2) Ko e ha kua lata ke tua he fehola kehe mai he maaga? (3) Ko e heigoa e tau mena ne toka hifo ka e fehola? (4) Ko e ha ne mule a Naama mo Apitala? (Mata. 24:17, 18) (5) Ko e heigoa foki falu kamatamata he tua ne fehagai mo Rahela he toka a Ierusalema? (Mata. 10:34-37; Mare. 10:29, 30) (6) Fakatoka fēfē e Etano e fakafifitakiaga mitaki he tua mo e falanaki ki a Iehova? (7) Ko e heigoa e tau mena uka ne moua he tau Kerisiano i Pela? (8) Lolelole fakahaga fēfē e tua ha Naama mo Apitala? (9) Leveki fēfē e Iehova e tau Kerisiano ne nonofo i Pela? (Mata. 6:33; 1 Timo. 6:6-8) (10) Fifitaki fēfē e tautolu a Aperahamo mo Sara he fehagai a tautolu mo e fakaotiaga he fakatokaaga nei? (Hepe. 11:8-10) (11) Fakaohooho fēfē e Naama mo Apitala a laua ke liliu ki Ierusalema, ti ko e ha ne nakai hako e tau manatu ha laua? (Luka 21:21) (12) Ko e heigoa e tuaga mooli i Ierusalema he mogo ne liliu a Naama mo Apitala? (13) Ko e ha kua lata ia tautolu ke fakamalolō e tua ha tautolu mogonei​—ato hoko e fakaotiaga he fakatokaaga nei?​—Luka 17:31, 32; 21:34-36.

Ko e ō fano ke he tua kua kakano ke (1) falanaki ke he takitakiaga ha Iehova, (2) fakaatā e takitakiaga haana ke fakahakohako e tau puhala ha tautolu, mo e (3) fakakite kua mua atu e uho he tau mena fakaagaaga ki a tautolu ke he tau mena he tino. Kia eketaha katoatoa a tautolu ke ō fano ke he tua, mauokafua “ha ne mole atu foki e lalolagi katoa mo e hana tau manako lahi; ka ko e tagata kua eke e finagalo he Atua to tumau a ia tukulagi.”​—1 Ioa. 2:17.