Totogi Nakai e Tau Akoako he Tau Fakamoli a Iehova?

He muitua ke he fakafifitakiaga he tau Kerisiano he senetenari fakamua, kua nakai fai matakau akoako e Tau Fakamoli a Iehova. Ko e tau tagata oti ne papatiso, kua tukulele ko e tau fekafekau ti fakalataha ke he gahua fakamatala mo e fakaako atu. Kua fakatokatoka e Tau Fakamoli ke he tau fakapotopotoaga ne kavi ke he toko 100 a lautolu i ai. Ko e tau tagata taane motua fakaagaaga he tau fakapotopotoaga takitaha kua fekafekau ko e “tau patu,” po ke tau motua. (Tito 1:5) Nakai totogi ha lautolu a tau gahua.