Ezekieli
9 Neryo mwabirikirira omo matwi waghe omo mulenge muli ati: “Muhindanaye abakendisuyira omuyi, obuli mundu n’ekyamano kiwe eky’eritamo ikine omo byala!”
2 Munalangira abalume 6, bakaluira oko lukyo lw’endata, olutungerere oluhande lw’endata. Obuli mulume inyane n’ekyamano kiwe eky’eribunzungulamo. Kandi omo balume abo mwabya imune omulume mughuma inianambite olukimba lw’ekitani; oko ndungu yiwa kwabya erihembe ry’omuhandiki eririmo obwino.* Mubingira, bamimana embere w’ekiherero ky’ekwivre.*
3 Neryo olukengerwa lw’oMungu wa Israeli mulwiruka lukalua aho lwabya ilwabirikira endata oko makerubi; mulwalolera eyiri akadrema k’oko mulango w’enyumba. Neryo mwabirikira oko mulume oyo wabya ambite olukimba lw’ekitani, oyo wabya n’erihembe ry’obwino ery’omuhandiki oko ndungu yiwe. 4 Yehova mwamubwira ati: “Ulabe omo muyi, omo Yerusalema. Uhire ekiminyikalo oko mbumo sy’abandu abakasimba, n’eriyowa nabi busana n’emyatsi yosi eyikita nye eyinemukoleka omo muyi.”
5 Mwabwira abandi ininowire ati: “Mulabe omo muyi enyuma siwe, mwite. Eriso ryenyu isiryakwa obulighe kutse erighanyira. 6 Mwite abalume abakulire, abambesa, abana balere-balere, n’abakali; mubughebo ndeke-ndeke. Aliwe isimwaseghera hakuhi n’owosi-wosi oyuliko ekiminyikalo. Ritolere imwatsukira ahabuyirire haghe.” Neryo mubatsukira oko basyakulu ababya embere sy’enyumba. 7 Neryo mwabwirabo ati: “Mutsandaye enyumba n’eryusulya omo bibugha mw’abandu abalyitawa. Mughende!” Neryo mubahuluka bamayita abandu omo muyi.
8 Babere bakitabo, munasighala ingyuwene. Neryo munatulama oko kitaka n’eriyilakira niti: “Iyooo! Yehova Mukama Mukulu oko Bosi, ni bugha ambu ukendiita emisighalira yosi ya Israeli, ukutulira erihitana ryaghu oko Yerusalema?”
9 Neryo mwabugha naghe ati: “Ekibi ky’enyumba ya Israeli, na Yuda ni kinene kutsibu. Ekihugho kyoswiremo eryuta omusasi, n’omuyi oswiremo obuliba-libania, kusangwa bakabugha bati, ‘Yehova abirisighania ekihugho, kandi Yehova syalangire.’ 10 Nikwa ingye, eriso ryaghe siryendikwa obulighe, kandi sinendighanyira. Bakendilola oko kikaluira omo mighendere yabo mibi.”
11 Neryo munalangira omulume oyo wabya ambite olukimba lw’ekitani, n’erihembe eririmo obwino oko ndungu yiwe, akaleta eripoti. Mwabugha ati: “Namabikola ngoko unalyanilayira.”