Isaya

Ubwire abandu baghe b’eriyisamambula lyabo

N’eribwira enyumba ya Yakobo amalolo wayo.

 2 Bakanisonda-sonda ebiro byosi,

Kandi bakasonda eriminya esyonzira syaghe,

Nga ni kihanda ekyabiritakola omo ritunganene

Kandi nga sibalibatasighania obulingirirania bw’oMungu wabo

Bakanisaba eritswera eritunganene

Bakanza eriyitunda hakuhi n’oMungu:

Kusangwa omughulu mukatsira akalyo mukakwama emyatsi yenyu*

Kandi mukaghalaya abakabakolera emibiiri.

 4 Eritsira akalyo lyenyu likahwera omo malwa n’erineghena,

Kandi mukaghusa engume omo butsibu.

 5 Kwe eritsira akalyo eryo ngayisogha ko litolere iryabya litya,

Ng’ekiro busana n’omundu eriyaghalya,*

Eryunamya omutwe wiwe ng’ekitife,*

N’erisesa engyingo yabo oko lukimba lw’esaki* n’eribu?

Eribohola eminyororo y’obubi,

Erikundula emiliki y’engomo,

Erileka oyukanubibawa abye bwiranda,

N’eritsutsanga obuli muketo;

 7 Ry’eriha abakwire enzala oko kalyo kenyu,

Erileta abera n’abatawite amanyumba omo manyumba wenyu

N’omughulu ukalangira oyuli ndumbu iwamwambalya,

N’eritendibindukirya abandu b’omusasi waghu b’omughongo.

 8 Neryo ekyakakala kyaghu kikendisyakolerya ng’emitsange,

N’erilama lyaghu likendisyahuluka luba-luba.

Eritunganene lyaghu rikendisyaghenda embere syaghu,

N’olukengerwa lwa Yehova lukendisyabya muteya enyuma syaghu.

 9 Neryo ukendisyabirikira na Yehova iniakwitaba;

Ukendisyalaka, naye akendisyabugha ati, ‘Ingye y’ono hano!’

Wamalusya omuketo omo kati-ati kaghu

N’erileka eribugha nabi n’erileka erikangania abandi b’omunwe,

10 Wamaha oyukwire enzala ebyo ighuwene-wene wanzire*

N’eryughutya abakanuba,*

Neryo ekyakakala kyaghu ikikendisyakolerya nibya n’omo mwirimya,

N’omwirimya waghu w’enyahinda inyakendisyabya ng’eritungyi.

11 Mughulu wosi Yehova iniakendisyakusondola

N’erikughutya nibya n’omo kihugho ekyumire;

Iniakendisyakalya-kalya amakuha waghu,

Kandi ighukendisyabya ng’eririma eryabiryutangirirwamo ndeke amaghetse,

Ng’engununuko y’amaghetse eyityuma.

12 Busana naghu, ibakendisyasyahimba ebisambukalirya bya kera,

Kandi ighukendisyasyasubya esyofondasyo sy’ebizazi* bya kera.

Ighukendisyahulwa mo oyukakokotaya esyombimbo esisambukere,*

Oyukasubaya esyombalo esyangikalwako.

13 Busana n’Esabato wamabiyikakirya* erikwamirira emyatsi* yaghu omo kiro kyaghe ekibuyirire

N’eryahula Esabato mo butseme, ekiro ekibuyirire kya Yehova, ekiro ky’erikengwa,

N’erikengayo omo mwanya w’erikwamirira emyatsi yaghu n’eribugha ebinywa bitya-bitya,

14 Neryo ighukendisyabya n’obutseme bunene omo Yehova,

Kandi ingendisyaleka iwalaba omo myanya y’endata y’ekihugho.