Isaya

35 Embwarara n’ekitaka ekyumire bikendisyatsema,

N’obwerere bw’olukwesese bukendisyatsanga n’erileta omusanga ng’esafroni.

 2 Ahate eritika-tika bukendisyaleta omusanga;

Bukendisyatsema n’eryuta obwogho bw’obutseme.

Bukendisyahabwa olukengerwa lwe Lebanoni,

Erikanga lye Karmeli n’erye Saroni.

 3 Musikaye ebyala ebyoloberere,

N’erisikya amarwi awakatitimana.

Mulebaya! OMungu wenyu akendyasa erisyakisya,

OMungu akendyasa erisyasuyira.

 5 Oko mughulu oyo, ameso w’endime-time akendisyalibulwa

N’amatwi w’abatsiha akendisyahundukala.

 6 Oko mughulu oyo omulema akendisyatwa ebika ng’engabi,

N’olulimi lw’emumu lukendisyuta obwogho bw’obutseme.

Kusangwa amaghetse akendisyahutuka omo mbwarara,

N’esyonyusi sikendisyasenda omo bwerere bw’olukwesese.

 7 Ekitaka ekyumirene kikendisyabya kitsinga ekirimo olubingu,

N’ekitaka ekikwire enyota kikendisyabya syongununuko sy’amaghetse.

Emyanya eyo esyombwa sy’omoli* syabya sikabundamamo,*

Ikendisyabyamo ebiti bibisi n’olubingu n’erisesa.*

 8 N’enzira nene ikendisyabyayo,

Inga, enzira eyikahulawa mo Nzira y’Obubuyirire.

Ni ya abalighirwe erilaba muyo basa;

Sihali omukiru oyukendisyaghanga-ghanga muyo.

 9 Endale* siyendisyabyayo,

N’esyonyama sy’omoli esikalire sisyendisyahika muyo.

Sisyendisyabanika muyo;

Abakombolawa basa bo bakendisyalaba muyo.

Obutseme n’eriyitsangura bikendisyabughabo,

N’obulighe n’erisimba bikendisyabulirana.