Esyonyimbo
Olwimbo lw’erihetuka.
126 Omughulu Yehova akuma-kuma n’erisubulya abanyeghawa abe Sioni,
Mutwabya nga tukalota.
2 Oko mughulu oyo amaseka mwusula omo muno wetu
N’obwogho bw’obutseme oko lulimi lwetu.
Oko mughulu oyo mubabya bakabugha omo bihanda bati:
“Yehova abirikolerabo emyatsi minene-minene.”
3 Yehova abiritukolera emyatsi minene-minene,
Obutseme bukatubugha.
5 Abakabiba embuto ibanemutoghongya emisonia
Bakendisyaghesa ibanemuta obwogho bw’obutseme.
6 Oyukahuluka nomo angabya inianemulira,
Inianahekire engunza yiwe y’embuto,
Akendisyasubula inianemuta obwogho bw’obutseme,
Inianahekire emighanda y’ebyo alyaghesa.