Esyonyimbo

 2 Ebitu n’omwirimya w’enyahinda bimutimbireko;

Ekitumbi kiwe ky’obwami kikere oko eritunganene n’obulingirirania.

 3 Omuliro akalaba embere siwe

Nagho akahisaya esyonzighu siwe oko mbande syosi.

 4 Eripalya ly’ehirabyo hiwe rikakoleraya ekihugho;

Ekihugho kikalangira ekyo neryo ikyatitimana.

 5 Ebitwa bikanuna embere sya Yehova ng’ebisese,*

Embere sy’Omukama w’ekihugho kyosi.

 6 Ekyanya kikatulaghanaya eritunganene riwe,

N’ebitunga byosi by’abandu bikalangira olukengerwa lwiwe.

 7 Abosi abakakolera esanamu yosi-yosi eyibatsire bahemulawe,

Abakayihalambira emiungu yabo eyitawite mughaso.

 8 Yehova, busana n’eritswera lyaghu e Sioni ikatsema;

Emiyi* ye Yuda ikayitsangura.

 9 Kusangwa iwe Yehova, uli w’Endata Kutsibu oko kihugho kyosi;

Uli mukulu kutsibu oko yindi miungu.

Akateghaya esyongebe* sy’abataleghula biwe

Akalamayabo oko byala* by’ababi.

11 Ekyakakala kyabirikolerya busana n’abatunganene

N’obutseme busana n’ab’emitima eyilungukere.

12 Inywe batunganene, muyisyandire omo Yehova,

Kandi muhe erina* liwe eribuyirire ly’ewasingya.