Esyonyimbo

144 Yehova, Olukuka lwaghe, apipawe,

Oyukabegheraya ebyala byaghe oko malwa,

Oyukabegheraya eminwe yaghe oko malwa.

 2 Iye ni lwanzo lwaghe oluteleghula n’ahakongotere haghe,

Obusayiro bwaghe obusikire* n’omulamya waghe,

Engabo yaghe n’oyo nabiriyira mo buwamo bwaghe,

Oyukanikindira ebitunga by’abandu.

 3 Yehova, omundu niki uti wangamulangira,

Omughala w’omundu oyukahola uti wangamutsomana?

 4 Omundu asosire omuka buyira;

Ebiro biwe biri ng’ekitsutsu ekikatwangana.

 5 Yehova ukimaye* olubula lwaghu neryo undaghale;

Utule oko bitwa nabyo bitumbemo omuki.

 6 Utume ehirabyo* n’eripanza-panza esyonzighu;

Ulase emisoha yaghu n’erihirasyo omw’ibulungana.

 7 Erilua endata ukakaye ebyala byaghu;

Unilamaye n’erinisabula omo maghetse awaghungire,

Unilamaye oko byala* by’ababunga,

 8 Ab’amuno awakabugha amabehi

N’abakasumba ebyala byabo by’amali erilapa eby’amabehi.*

Ngendikwimbira* esyonyimbo sy’eripipa omo kyombo ky’omuziki ky’esyosinga ikumi,

10 Ngendimbira oyukawatikaya abami erikinda;*

Ngendimbira oyukasabula omughombe wiwe Daudi oko muyali owakita.

11 Unisabule n’erinilamya oko byala by’ababunga,

Ab’amuno awakabugha amabehi

N’abakasumba ebyala byabo by’amali erilapa eby’amabehi.

12 Abana betu b’obulume bakendibya ng’ebiti bilere-bilere ebikalasa luba-luba,

Abambesa betu bakendibya ng’esyonduyi sy’oko ngonde* esyabiribatswa oko nyumba y’omwami.

13 Amadepo wetu* akendyusulamo obuli muhanda w’ebyalya;

N’ebihangulo byetu ebiri omo biharo byetu by’omoli bikendikanyirira ibyabya maelfu, ibyabya makumi w’amaelfu.

14 Esyonde syetu esihakire sisyendisyahikirwa n’omwatsi mubi kutse sisyendisyatorohya;

Omo bibugha byetu simwendisyalua emilake y’obuhanya.