Isaya

 2 Kusangwa lebaya! omw’irimya akendisyaswika ekihugho

N’omw’irimya w’enyahinda akendisyaswika ebihanda;

Aliwe iwe Yehova akendisyakukolerya,

N’olukengerwa lwiwe lukendisyalangirwa okw’iwe.

 3 Ebihanda bikendisyasa eyiri ekyakala kyaghu

N’abami eyiri olukengerwa lwaghu olukangabasenie.*

Erilua hali-hali, abana baghu ko banemwasa,

N’abali baghu banahekirwe oko ndungu.

 5 Oko mughulu oyo, ukendisyalangira neryo iwakangabasania,

N’omutima waghu akendisyapika-pika n’eritsema,

Kusangwa obuteke bw’engetse bukendisyaloleribwa eyo uli;

Obuteke bw’ebihanda bukendisyasa eyo uli.

 6 Obuhyo bw’esyongamia bukendisyaswika ekihugho kyaghu,*

Esyongamia nyilere esy’obulume esye Midiani ne Efa.

Abandu bosi be Sheba—bakendisyasa;

Bakendisyaleta ehoro n’obubani.

Sikendisyirukira oko kiherero kyaghge, nasyo sikendisyaliwa,

Kandi ngendisyapamba enyumba yaghe y’olukengerwa.*

 8 Aba ni bahi abakaghuluka ng’ebitu,

Ng’ehirikuku omo hinyumba hyahyo?*

 9 Kusangwa ebitsira bikendisyanihirako amaha;

Amato we Tarsisi wo ali embere,*

Erileta abana baghu erilua hali-hali,

Haghuma n’efeza* yabo n’ehoro yabo,

Busana n’erina lya Yehova oMungu waghu n’Omubuyirire wa Israeli,

Kusangwa akendisyakuha olukengerwa.*

10 Ab’ehandi bakendisyahimba esyombimbo syaghu,

N’abami babo bakendisyakukolera,

Kusangwa munakuhunza omw’ihitana lyaghe,

Nikwa omo lukogho* lwaghe, ngendisyakughanyira.

11 Esyongyo syaghu sikendisyabya isinakingwire emighulu yosi;

Sisyendisyakingwa omo musibo kutse omo kiro,

Erikuletera obuteke bw’ebihanda,

N’abami b’ebihanda ebyo bo bakendisyabya embere.

12 Kusangwa ekihanda kyosi-kyosi n’obwami bwosi-bwosi ebitendisyakukolera bikendisyaheribwa,

N’ebihanda bikendisyatoghotibwa kutsibu.

13 Olukengerwa lwe Lebanoni lukendisyasa eyo uli,

Omuti w’ekilaghu, omuti w’omutizari, n’ekisusuti haghuma,

Erighambya omwanya w’ahabuyirire haghe;

Ngendisyaleta olukengerwa oko mwanya w’ahabuyirire haghe.

14 Abaghala b’abakunubaya bakendisyasa n’eryunama embere syaghu;

Abosi abakakukuta-kutaya litolere ibunama oko bisandu byaghu,

Kandi bakendisyakwahula mo muyi wa Yehova,

E Sioni y’Omubuyirire wa Israeli.

15 Omo mwanya w’eribya oyo wabirisighanibwa n’oyuponirwe, isihali oyukalaba ewaghu,

Ngendisyakuyira mo kindu ekikaleta eriyihalamba lya kera na kera,

Ekindu ekikaleta obutseme omo bizazi* byosi.

16 Oko kwenene mukendisyanywa amasabu w’ebihanda,

Mukendisyanyonya* amabere w’abami;

N’oko kwenene, mukendisyaminya ngoko ingye Yehova, indi Mulamya wenyu,

N’Ow’amaka wa Yakobo ni Mutongolya waghu.

17 Omo mwanya w’ekwivre* ngendisyaleta ehoro,

N’omo mwanya w’ekyuma ngendisyaleta efeza,*

Omo mwanya w’omuti, ekwivre,

N’omo mwanya w’amabwe, ekyuma;

Kandi ngendisyasombola obuholo mo balebya baghu

N’eritunganene mo basondoli baghu b’omubiiri.

18 Omwatsi w’obwiti syendisyasyowibwa omo kihugho kyaghu

Kutse eritoghotya n’eriherya omo mipaka* yaghu

Esyombimbo syaghu, ukendisyahulasyo mo Mulamo n’esyongyo syaghu mo Eripipa.

19 Kusangwa eryuba siryendisyasyabya kyakakala kyaghu ky’eritungyi,

Kutse omughenda syendisyasyakuha ekyakala ky’omo kiro,

Kusangwa Yehova akendisyabya busana nawe ekyakakala kya kera na kera,

N’oMungu waghu akendisyabya erighamba lyaghu.

20 Eryuba ryaghu siryendisyasyalenga,

Kutse ekyakakala ky’omughenda waghu sikyendisyasyakeha,

Kusangwa Yehova akendisyabya busana naghu ekyakakala kya kera na kera,

N’ebiro by’erilira lyaghu bikendisyabya ibyabirihwa.

21 N’abandu baghu bosi bakendisyabya abatunganene;

Bakendisyasighalya ekihugho kera na kera.

Ibo ni ni risasa eryo nahera,

Omubiiri w’ebyala byaghe, busana n’erighamba lyaghe.

22 Omuke akendisyabya elfu,

N’omuke kutsibu akendisyabya kihanda ky’amaka.