Yona
2 Omughulu Yona abya iniane omo nda y’esamaki, mwasaba Yehova oMungu wiwe. 2 Mwabugha ati:
“Omughulu nabya omo bulighe, munalakira Yehova, naye mwanisubirya,
Omughulu nabya omo mitobero* y’Eyisinda,* munakulakira niti uniwatikaye.
Muwowa omulenge waghe.
3 Omughulu wanighusa omo mitobero, omo mutima w’engetse,
Amaghetse mwanimera.
Ebisunda byaghu byosi ebikalire n’ebisunda byaghu byosi mubyaniswika.
4 Kandi munabugha niti, ‘Nabiritwalwa hali okw’iwe!
Ngendisyasyalola oko hekalu yaghu nyibuyirire ko niti?’
5 Amaghetse mwanimera n’engebe yaghe yabya omo hatari;*
Amaghetse awalimo omutobero mwanitimbako.
Ebiti by’omo ngetse mubyayilingira oko mutwe waghe.
6 Munatoberera eyiri esyondina sy’ebitwa.
Ebikale by’ekihugho mubyayikinga kera na kera nabilaba.
Aliwe Yehova, oMungu waghe, muwalusya engebe yaghe y’omo kyuna.
7 Omughulu engebe* yaghe yabya ikasonda erinitswako, Yehova yo nibuka.
Neryo omusabe waghe mwakuhikako, mwahika omo hekalu yaghu nyibuyirire.
8 Abakamakirira esyosanamu esitawite mughaso bakibirirawa oyukabakanganaya olwanzo oluteleghula.*
9 Nikwa ingye, ngendisyakuherera amahere n’erikusima.
Ngendiberererya ebyo nayilagha.
Yehova yukasabula.”
10 Oko mwiso, Yehova mwabwira esamaki ati yisale Yona, neryo esamaki eyo muyasalira Yona y’oko kitaka ekyumire.