Esyonyimbo

9 Yehova, ngendikupipa n’omutima waghe wosi;

Ngendikania oko mibiiri yaghu yosi y’eriswekera.

 2 Ngenditsema n’eritsanga busana naghu;

Ngendiimba* ngapipa erina ryaghu, iwe w’Endata Kutsibu.

 3 Esyonzighu syaghe sikendibyasyasuba enyuma,

Sikenditwikala n’erihera erilua embere syaghu.

 4 Kusangwa ukanilwirako nitoke erikolerwa omo ritunganene;

Wikere omo kitumbi kyaghu ky’obwami ukatswera omo ritunganene.

 5 Wabirihayira ebihanda n’eritoghotya ababi,

Wabirisangula erina lyabo erihika kera na kera.

 6 Enzighu yabiriheribwa kera na kera;

Wabirihimbula emiyi yabo,

Sibangatasyibukwa.

 7 Nikwa Yehova ni mwami kera na kera,

Abirihanda ndeke-ndeke ekitumbi kiwe ky’obwami ekyo akatswererako omo ritunganene.

 8 Akendisyatswera abandu abikere omo kihugho* kyosi omo ritunganene;

Akendisyatswera ebihanda byosi omw’itswera eritunganene.

 9 Yehova akendisyabya busayiro obusikire busana n’abakanubibawa,

Obusayiro obusikire* omughulu w’obulighe.

10 Abasi erina lyaghu bakendisyayiketera iwe;

Yehova, siwendisyalekerania n’ahake abakakusonda-sonda.

11 Mwimbire Yehova oyo wikere e Sioni esyonyimbo sy’eripipa;

Muminyikalaye emibiiri yiwe omo kati-kati k’ebihanda.

12 Kusangwa oyukakisaya busana n’omusasi wabo anibukirebo,

Syendisyibirirwa erilaka ry’oyukaghalawa.

13 Yehova unikanganaye olukogho, ulangire ngoko abaniponire bakanighalaya,

Iwe ukanisabula erilua omo syongyo sy’oluholo.

14 Inatoka eritulaghania emibiiri yaghu y’eripipa omo syongyo sy’abali ba Sioni,

N’eriyisyandira omo mibiiri yaghu y’erilamya.

15 Ebihanda byabiritobera omo kyuna ekyo byatakula;

Ebisando byabo byabirihambwa omo matimba agho byategha bubiso-biso.

17 Ababi bakendisyasuba enyuma eriya eyiri Eyisinda,*

Ebihanda byosi ebikibirirawa oMungu.

18 Nikwa abera sibendisyabiriranwa ebiro byosi;

N’amaha w’abakayikehaya syendisyaheribwa n’ahake.

20 Yehova witebo obuba,

Ebihanda biminye ngoko ni bandu buyira abakahola. (Sela)