Esyonyimbo

1 Omundu oyutekwama erihano ry’abandu babi atsemire

Oyutyimana omo nzira y’abakola-nabi

Kandi oyutikala omo kitumbi ky’abasekererya.

 2 Nikwa emighambo ya Yehova bo butseme bwiwe,

Kandi akasoma omo mulenge w’ahisi* emighambo yiwe omo musibo n’omo kiro.

 3 Akendisyabya ng’omuti owaherire oko musike w’olusi,

Omuti owakahetaya amatunda oko kirimo kyagho,

Ebikoma byagho sibiryuma.

 4 Ababi ko bate batya;

Bali ng’omusunga ogho erihunga rikaghulukaya.

 5 Busana n’ekyo, ababi sibendisyahangana omughulu w’eritswerwa,

Kandi abakoli b’amalolo sibendisyahangana omo ndeko y’abatunganene.

 6 Kusangwa Yehova anasi enzira y’abatunganene,

Nikwa enzira y’ababi ikendisyaheribwa.