Watchtower EKIBIKIRO KY'EBITABU EKIRI OKO ENTERNETE
Akaleberyo k'Omuteya
EKIBIKIRO KY'EBITABU EKIRI OKO ENTERNETE
Kinande
  • EBIBLIA
  • EBITABU
  • MIHINDANO
  • Abaebrania 12
  • EBiblia—Embindula y’ekihugho kihya-kihya

Sihali evideo yosi-yosi oko syo ulyasombola.

Muhakabya ebiteghendeka omuwulu w'erikimya evideo.

Emyatsi eyiri omo kitabu ky’Abaebrania

      • Yesu y’ukahika-hikanaya obwikirirya bwetu (1-3)

        • Ekitu kinene ky’abimiri (1)

      • “Isiwapona omughulu Yehova akakukunga” (4-11)

      • Mukokotaye aho ebisando byenyu bikendilaba (12-17)

      • Mumwaseghera hakuhi ne Yerusalema y’elubula (18-29)

Abaebrania 12:1

Ebinywa ebiri eyikwa

  • *

    Kutse “ky’abatemwe.”

Abaebrania 12:2

Ebinywa ebiri eyikwa

  • *

    Ulebaye amaana w’ebinywa.

Abaebrania 12:5

Ebinywa ebiri eyikwa

  • *

    Ulebaye endomeko A5.

Abaebrania 12:6

Ebinywa ebiri eyikwa

  • *

    Ulebaye endomeko A5.

  • *

    Kutse “akaha amalipizi.”

Abaebrania 12:7

Ebinywa ebiri eyikwa

  • *

    Kutse “binemubakangirirya.”

Abaebrania 12:11

Ebinywa ebiri eyikwa

  • *

    Kutse “rikaluma oko mutima.”

Abaebrania 12:16

Ebinywa ebiri eyikwa

  • *

    Ulebaye amaana w’ebinywa, “Oburaghane.”

Abaebrania 12:25

Ebinywa ebiri eyikwa

  • *

    Kutse “Isimwayihambulisanaya, isimwabya nga simwowire.”

  • EBiblia—Embindula y’ekihugho kihya-kihya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
  • 25
  • 26
  • 27
  • 28
  • 29
EBiblia—Embindula y’ekihugho kihya-kihya
Abaebrania 12:1-29

Ebaruha oko Abaebrania

12 Neryo kundi tutimbirweko n’ekitu kinene ky’abimiri,* tuyilusayeko obulito bosi n’erilolo erikatuhamba bweghu-bweghu. Kandi tutibite amasindano w’eritibita awali embere syetu itunemuyiyinia. 2 Tukole tutya itunemusamalira Yesu, Omusondoli Mukulu w’obwikirirya bwetu n’oyukahika-hikanayabo. Obutseme obwabya embere siwe mubwaleka iniayiyinia oko muti w’amaghali.* Mwatalangira erihemuka mo kindu, neryo abirikala oko luhande lw’amali lw’ekitumbi ky’obwami ky’oMungu. 3 Musamalire ndeke oyo wayiyinaya kutsibu omughulu abakola-nabi babya bakamubwira ebinywa ebituwene. Omwikola batya, babya bakayitsandirya ibibene-bene. Mwamabisamalira Yesu, isimwendiluha n’erileka.

4 Omughulu mukalwa n’erilolo eryo, simulimwatalwa naryo erihika oko kika omusasi wenyu inyutika. 5 Kandi mwabirilw’imwibirirwa erihano eri, ery’oMungu akabaha ng’abana biwe: “Mughala waghe, isiwapona omughulu Yehova* akakukunga, kandi isiwabunika mutima omughulu akakukunga. 6 Kundi Yehova* akakunga abandu abo anzire, kandi akahunza* abosi abo akalighamo baghala biwe.”

7 Ebyo munemulabamo binemubakunga.* OMungu anemubakolera ng’abana biwe, kundi ni mwana wahi oyutekungawa na baba wiwe? 8 Mwamaghana erikungwa naye, oko kwenene isimuli bana biwe. 9 Abobaba wetu ibakatukunga, aliwe itukabasikaya. Neryo simulangire ngoko twamanza eribyaho, ritolere itwasikya erilua oko mutima Tata wetu oyukasondola engebe yetu y’obunya-kirimu? 10 Kundi ibo ibakatukunga omo katambi kake ngoko babya bakanza. Aliwe, oMungu iye akatukunga busana n’endundi yetu kundi anzire itwabya babuyirire nga ye. 11 Oko kwenene, omughulu omundu akakungawa, akayowa muhanda.* Aliwe eriligha erikungwa rikawatikaya omundu eribya n’obuholo n’emighendere eyitunganene.

12 Neryo musikaye amaboko awaleghetsene n’amaru awakatitimana. 13 Kandi mubye mukakokotya aho ebisando byenyu bikendilaba kusudi ekikatsukuda isikyanyubukara, aliwe kitoke erilama. 14 Muyikase eribya omo buholo n’abandu bosi n’eribya babuyirire, kundi omundu atetabya mubuyirire, isyendisyalangira Omukama. 15 Muyiteghaye hakasyabya omundu oyukaheraya olukogho lw’oMungu kusudi omulihi w’esumu isyalasa n’erileta esyombanza n’erileka abandu bangyi ibatsanda busana nagho. 16 Kandi muyiteghaye omw’inywe simubanike oyukakola oburaghane* kutse oyukapokaya emyatsi eyibuyirire ngoko Esau akola. Akalyo mukaleka iniahitya obumbere bwiwe. 17 Munasi ngoko enyuma sy’aho, omughulu anza eribana emiyisa mwaghanwa. Nomo ayikasa inianemulira akabugha ati alinga baba wiwe anemwendibindula amalengekania wiwe, mwatatoka, mwatabana emiyisa eyo.

18 Kundi mumwataseghera hakuhi n’ekitwa ekikatulawako, n’ekinemwakako omuliro, ekiriko ekitu ekikinire n’omwirima munene, n’ekinemulabako erihunga rinene, 19 n’ekikowibawako omulenge w’engunga, n’omulenge owakabugha ebinywa ogho omughulu abandu bowagho mubalemba-lemba Musa bati omulenge oyo isyasyababwira ebindi binywa. 20 Kundi babya ibabirisagha busana n’ekyalayiro kino: “Nibya n’enyama yamatula oko kitwa, ritolere iyaghuswako amabwe.” 21 Ebyo balangira byabya ibikita obuba. Kyo kyaleka Musa iniabugha ati: “Nabirisagha n’erititimana.” 22 Mwabiriseghera hakuhi n’ekitwa kye Sioni, kandi hakuhi n’omuyi w’oMungu oyuliho, e Yerusalema y’elubula, kandi mwabiriseghera hakuhi n’amakumi w’amaelfu w’abamalaika, 23 abahindene haghuma kandi mwabiriseghera hakuhi n’endeko y’ehimbere hy’oMungu ehyo amena wahyo abirihandikwa elubula, kandi hakuhi n’oMungu mutsweri w’abosi, kandi hakuhi n’esyongebe sy’obunya-kirimu sy’abatunganene ababiriyirwamo abandu abahika-hikene, 24 kandi mwabiriseghera hakuhi na Yesu, omusangania w’erilaghana rihya-rihya, kandi hakuhi n’omusasi owatsatsangawa, owakabugha ndeke kulenga omusasi wa Abeli.

25 Isimwaghana erihulikirira* oyukabugha. Abaghana erihulikirira oyo wabya akabugha ebinywa by’oMungu hano h’oko kihugho, bamabya imo batabala, mukalengekanaya muti twanganabala twamatendihulikirira oyukabughira elubula? 26 Oko mughulu oyo, omulenge wiwe mwasuka-sukania ekihugho, aliwe lino abirilagha ati: “Kandi ngendisyasuka-sukania ekihugho, n’olubula kutya.” 27 Ekinywa “kandi” kikakanganaya ngoko ebindu ebikasuka-sukanibawa bikendisyalusibwaho, ni bugha ambu, ebindu ebyahangyikawa bikendisyalusibwaho kusudi ebindu ebyatasuka-sukanibawa bisighaleho. 28 Kwesi kundi tukendisyahabwa Obwami obutebwangasuka-sukanibwa, situleke eribana endundi y’olukogho lw’oMungu, olukatuwatikaya erikolera oMungu y’omubiiri mubuyirire itunasaghire n’erititimana. 29 Kundi oMungu wetu ni muliro owakatoghotaya.

Ebichapo bye Kinande (1999-2025)
Ulwako
Ingira
  • Kinande
  • Ghaba
  • Ebyo wanzire
  • Copyright © 2025 Watch Tower Bible and Tract Society of Pennsylvania
  • Eby'erighenderako eby'erikolesya
  • Eribika esiri
  • Paramètres de confidentialité
  • JW.ORG
  • Ingira
Ghaba