Hosea

3 Enyuma sy’aho, kandi Yehova mwanibwira ati: “Kandi ughende, uyanze omukali oyo wanzirwe n’oghundi mulume, kandi oyukakola obusingiri, umwanze ngoko Yehova anzire abandu be Israeli n’omo banemukwama eyindi miungu n’eryanza esyogato sy’esyotini esyumire.”*

2 Neryo munaghula omukali oyo y’ebihande 15 by’efeza,* ehomeri* nguma, n’enusu y’ekisusu. 3 Enyuma sy’aho, munamubwira niti: “Ukendisyabya waghe omo biro bingyi. Isiwakola obumbalaka,* kandi isiwaghotsera n’oghundi mulume, naghe sinendisyaghotsera naghu.”

4 Kundi omo mughulu muli,* Abaisraeli sibendisyabya n’omwami, omukulu, obuhere, enduyi, e efodi, n’esyosanamu sy’eterafimu.* 5 Enyuma sy’aho, Abaisraeli bakendisyasubula n’erisondya-sondya Yehova oMungu wabo na Daudi omwami wabo. Oko mughulu w’enduli, bakendisyasa eyiri Yehova ibanemutitimana, batoke eribana ebibuya biwe.