Wunayiteghekire hamabibya obutsumbu-tsumbu?

Enduli y’ekihugho kino yikaseghera hakuhi, tunayilindilire okw’ikanya ly’obutsumbutsumbu, obutsururu, n’amwala. (Erib 6:4) Twanganayiteghekania tuti oko bitsibu ebyangatuhikira omo biro ebikasa?

• Uyiteghekanaye bunyakirimu: Uminye esyokanuni sy’eBiblia n’emyatsi eyikawatikaya erilola embere eriyiketera Yehova n’endondeka yiwe n’eyikakuwatikaya eritendiyingirya omo myatsi y’ekipolitike ey’ekihugho kino. (Emi 12:5; jr-SW 125-126 enu. 23-24) Eno y’endambi y’eribya n’obwira obuwatire haghuma n’abaghala betu omo ndeko.​—1Pe 4:7, 8

• Uyiteghekanaye kinyamubiri: Uyiteghekanaye ngoko wangakola utoke eribya mbolere kyamasaba erisighala eka waghu, kandi uteghekanaye n’akalyo akatosire ak’eribika. Kutya, uteghekanaye ekyo wangakola wamalangira ini ky’omughaso erilw’eka omughulu w’ebitsinduli. Tasyalebya omo ngunza yaghu ey’ebyo wangalaghako lubaluba hamabya bitsinduli nga mune n’ehindu hikehike ehyo wanganakolesya, n’esyofranga. Ubye n’esyonumero sy’etelefone esyabasyakulu b’endeko yaghu, nabo babye n’esyaghu.​—Isa 32:2; g17-ZS.5 3-7

Omughulu w’obutsumbu-tsumbu, isiwaleka erikola emyatsi y’obunyakirimu eyo wubeghere erikola. (Flp 1:10) Iwasighala haghumerera kyamatokekana (Mt 10:16) Uhitaye oko kalyo n’oko bindi bindu ebyo uwiteko.​—Rom 12:13.

MUKWAME EVIDEO UNAYITEGHEKIRE OKO BITSINDULI? NERYO MUSUBIRAYE OKO MABULYO ANO:

• Yehova anganatuwatikya ati omughulu w’ebitsinduli?

• Ni myatsi yahi eyo twangakola tukayiteghekania?

• Twangawatikya tuti abalyahikirawa n’ebitsinduli?