Ukatulira, kolesaya emyatsi eyiri oko lughali

Akatulira, Yesu mwakolesya emyatsi eyabya oko lughale erikangirirya abandu. (Lk 13:1-5) Naghu wanganakolesya emyasi eyiri oko lughale eriwatikya abandu batsemesibawe n’omulaghe w’oBwami. Wanganatsuka erikania oko mwatsi w’esyofranga eribula munabwire, kutse oko kitsinduli kilebe, kutse oko bandu eritsatsuha n’erifuta eloho, n’eyindi myatsi eyiri ng’eyo; neryo iwabulya omuhulikiriri waghu amalengekania wiwe. Wanganamubulya uti: “Ukalengekanaya uti . . . binemwendisyahwa?” kutse “Ukalengekanaya uti ni kyahi kyo kyangabugh . . . ?” Neryo, iwamukangania erisako ly’eBiblia elihambene n’eribulyo eryo ulyabulaya. Omundu amabyanzisibwa, iwamukangania evideo kutse ekitabu kighuma ekiri omo ebyo tukakolesaya tukakangirirya. Tukayikasa eritula oko mitima y’abandu b’omo kiharo kyetu, tulole embere ‘erikola emyatsi yosi busana n’engulu yowene.’​—1Kor 9:22, 23.

Ni myatsi yahi eyo bandu banganza erikaniako omo kiharo kyenyu?